ພັນທະມິດໄປອອສເຕຣເລັຽ ແລະ ນິວຊີແລັນ

ຄນະຜູ້ແທນ ພັນທະມິດ ເພື່ອ ປະຊາທິປະຕັຍ ໃນລາວ ນຳໂດຍ ດຣ. ບຸນທອນ ຈັນທະລາວົງ-ວີເຊີ ຜູ້ເປັນປະທານ ເດີນທາງໄປ ເຄື່ອນ- ໄຫວ ວຽກງານການເມືອງ ຢູ່ ປະເທສ ອອສເຕຣເລັຽ ແລະ ນິວຊີແລັນ ແຕ່ວັນທີ 14 ເຖິງວັນທີ 26 ກຸມພາ 2017 ນີ້.

ທ່ານ ກາດ ດິດທະວົງ ຮອງປະທານ ພັນທະມິດ ເພື່ອ ປະຊາທິປະຕັຍ ໃນລາວ ປະຈໍາປະເທສ ອອສເຕຣເລັຽ ໃຫ້ສຳພາດ ວິທຍຸ ເອເຊັຽ ເສຣີ ທາງ ໂທຣະຊັບ ໃນວັນທີ 21 ກຸມພາ ໃນຂນະທີ່ ດຣ. ບຸນທອນ ພ້ອມດ້ວຍ ຄນະເຄື່ອນໄຫວ ຢູ່ປະເທສ ນິວຊີແລັນ ເຖິງກິຈການ ເຄື່ອນໄຫວ ທັງກັບຊຸມຊົນ ຊາວລາວ, ກັບທາງການ ອອສເຕຣເລັຽ ແລະກັບອົງການ ຈັດຕັ້ງ ທີ່ບໍ່ຂຶ້ນກັບຣັຖບາລ ຢູ່ສອງປະເທສ ດັ່ງກ່າວ ວ່າ ຄນະຜູ້ແທນ ຖືກຕ້ອນຮັບ ເປັນຢ່າງດີ: ສຽງ...

ທ່ານກ່າວວ່າ ໃນການມາເຄື່ອນໄຫວ ວຽກງານການເມືອງ ຂອງ ດຣ. ບຸນທອນ ຈັນທະລາວົງ-ວີເຊີ ພ້ອມດ້ວຍ ຄນະພັນທະມິດ ເພື່ອ ປະຊາທິປະຕັຍ ໃນລາວ ຄັ້ງນີ້ ເປັນເທື່ອທຳອິດ ທີ່ໄດ້ພົບພໍ້ ກັບ ເຈົ້າໜ້າທີ່ ສຳນັກງານ ນາຍົກ ຣັຖມົນຕຣີ ອອສເຕຣເລັຽ ຊຶ່ງ ທ່ານຖືວ່າ ມີຄວາມສຳຄັນຫຼາຍ: ສຽງ…

ພ້ອມກັນນັ້ນ ທ່ານ ກາດ ດິດທະວົງ ກໍໄດ້ເວົ້າເຖິງ ຄວາມຮູ້ສຶກ ຂອງຊຸມຊົນຊາວລາວ ທີ່ປະເທສ ອອສເຕຣເລັຽ ແລະ ນິວຊີແລັນ ທີ່ມີຕໍ່ ຄນະຜູ້ແທນ, ຕໍ່ອົງການ ພັນທະມິດ ເພື່ອ ປະຊາທິປະຕັຍ ໃນລາວ ວ່າ ພໍໃຈທີ່ສຸດ: ສຽງ...

ທ່ານກ່າວມ້ວນທ້າຍວ່າ ສິ່ງສໍາຄັນ ແມ່ນເຫັນວ່າ ພວກຊາວໜຸ່ມສົນໃຈ ແລະ ສມັກເຂົ້າເປັນ ສະມາຊິກ ອົງການ ພັນທະມິດ ເພື່ອ ປະຊາ- ທິປະຕັຍ ໃນລາວ ພວກທີ່ມີ ຄວາມສາມາດ, ດ້ານພາສາ, ຮູ້ຈັກໃຊ້ ຄອມພິວເຕີ ເຂົ້າມາຊ່ວຍ ໃນການເຄື່ອນໄຫວ ວຽກງານ ການເມືອງ ນໍາທ່ານຕື່ມອີກ.