ສັມພາດ ດຣ.ຄໍາພາ ເທບພະວົງ

ອາຊີພ ຂອງ ແພດແລະໝໍ ເປັນອາຊີພ ທີ່ຫຼາຍຄົນຮູ້ຈັກດີ ແລະຫຼາຍໆຄົນກໍມີຄວາມຝັນ ທີ່ຢາກຈະເປັນ ແລະ ກ່ອນຈະເປັນໝໍໄດ້ນັ້ນ ກໍຕ້ອງໃຊ້ເວລາ ສຶກສາຮໍ່າຮຽນ ບໍ່ແມ່ນເຣື່ອງງ່າຍ ແຕ່ກໍບໍ່ຍາກເກີນຄວາມສາມາດ ຂອງຄົນເຮົາໄປໄດ້, ສິ່ງທີ່ຍາກສໍາລັບ ໝໍ ກໍຄື; "ໝໍ" ຈະເປັນ "ໝໍ" ທີ່ດີໄດ້ແນວໃດ.

"ໝໍ" ກໍຄືຜູ້ໃຫ້ບໍຣິການ ດ້ານອະນາມັຍ ແກ່ປະຊາຊົນ, ແນະນຳເຣື່ອງການຮັກສາສຸຂພາບ ແລະປ້ອງກັນເຊື້ອໂຣຄ ແລະພຍາດຕ່າງໆ ໃຫ້ ຖືກຕ້ອງເໝາະສົມ ດ້ວຍການວິຈັຍ ອ່ານອາການ ຂອງພຍາດ, ຈັດຢາໃຫ້ຖືກກັບພຍາດນັ້ນໆ ດ້ວຍຄວາມຮັບຜິດຊອບ.

ອາຊີພເປັນທ່ານໝໍ ສາມາດແບ່ງເປັນ ແພດ-ໝໍ ສະເພາະທາງ ເຊັ່ນ: ດ້ານວິເຄາະພຍາດ, ຝ່າຍຜ່າຕັດ, ແພດກ່ຽວກັບການປິ່ນປົວພຍາດ ຂອງຜູ້ຍິງສະເພາະ ແລະແພດ-ໝໍ ປົວພຍາດທົ່ວໆໄປ ບໍ່ສະເພາະແຕ່ພຍາດດຽວ ແລະໃນມື້ນີ້ ຂ້າພະເຈົ້າ ມີໂອກາດ ໄດ້ສັມພາດ ດຣ. ຄຳພາ ເທບພະວົງ ຜູ້ອຳນວຍການ ດ້ານບໍຣິການ ທາງການແພດ ຢູ່ ມະຫາວິທຍາລັຍ ເຟຣສໂນ, ຣັຖ ຄາລິຟລໍເນັຍ ແລະຄວາມເປັນມາ ກ່ອນທີ່ເພິ່ນ ຈະໄດ້ມາເຮັດວຽກ ຢູ່ສະຖານທີ່ແຫ່ງນີ້ ມີຄືແນວໃດນັ້ນ ເຊີນຮັບຟັງ ຈາກ ດຣ. ຄຳພາ  ໄດ້ເລີຍ...