မုန်တိုင်းကယ်ဆယ်ရေး ဒေသခံခေါင်းဆောင်များနှင့် ဒေါ်အောင်ဆန်းစုကြည်ဆွေးနွေး

• 
  2010-12-14

ဒီလိုတွေ့ရာမှာ ပြည်နယ် စည်းရုံးရေးကော်မတီ ယာယီဥက္ကဋ္ဌ ဦးမောင်ကြွင်းအောင်၊ တောင်ကုတ်မြို့နယ် ဒုတိယ ဥက္ကဋ္ဌ ဦးတင်သိန်းအောင် ၊ ပြည်နယ် တွဲဖက် အထွေထွေအတွင်းရေးမှူး ဦးသိန်းလှိုင်နဲ့ ပြည်နယ် စည်းရုံးရေး ကော်မတီဝင် ဦးစိုးလေးတို့က ဂီရိကယ်ဆယ်ရေးလုပ်ငန်း လုပ်ဆောင်မှုတွေကို တင်ပြဆွေးနွေးခဲ့တယ်လို့ သိရပါတယ်။

ဒီကနေ့ နေ့လည် ၁ နာရီကလည်း ရွှေဂုံတိုင်လမ်းက အဖွဲ့ချုပ်ရုံးမှာ အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင်အဖွဲ့ အစည်းအဝေး ကျင်းပကြောင်းလည်း သိရပါတယ်။

ဒီအစည်းအဝေးကို ဒေါ်အောင်ဆန်းစုကြည် မတက်ရောက်နိုင်ခဲ့ကြောင်း သိရပြီး အဖွဲ့ချုပ် ဒုတိယ ဥက္ကဋ္ဌ ဦးတင်ဦး၊ ဗဟို အလုပ်အမှုဆောင် အဖွဲ့ဝင်တွေ ဖြစ်ကြတဲ့ ဦးဝင်းတင်၊ ဦးဉာဏ်ဝင်း ၊ ဦးအုန်းကြိုင်အပါအဝင် ဗဟို အလုပ်အမှုဆောင်အဖွဲ့ဝင်တွေ အားလုံး တက်ရောက်ခဲ့ကြတယ်လို့ ဆိုပါတယ်။

လာမယ့် ဇန်နဝါရီ ၄ ရက်နေ့မှာ ကျရောက်တဲ့ လွတ်လပ်ရေးနေ့ အထိမ်းအမှတ် အခမ်းအနား ကျင်းပဖို့နဲ့ လွတ်လပ်ရေးနေ့ ကြေညာစာတမ်း ထုတ်ပြန်ဖို့ သဘောတူ ဆုံးဖြတ်ခဲ့ကြကြောင်း သိရပါတယ်။