စုံစမ်းရေးကော်မရှင်ကို ဖိလစ်ပိုင် ကြိုဆို
မြန်မာအစိုးရက ရခိုင်ပြည်နယ်မှာ ဖြစ်ပွားခဲ့တဲ့ လူ့အခွင့်အရေးချိုးဖေါက်မှုတွေနဲ့ ပတ်သက်ပြီး စုံစမ်းစစ်ဆေးရေးကော်မရှင် ဖွဲ့စည်းခဲ့တာကို ဖိလစ်ပိုင်အစိုးရက ဗုဒ္ဓဟူးနေ့ မနေ့က ကြိုဆိုလိုက်ပါတယ်။
-
2018-08-01 -
-
-
မြန်မာအစိုးရက ရခိုင်ပြည်နယ်မှာ ဖြစ်ပွားခဲ့တဲ့ လူ့အခွင့်အရေးချိုးဖေါက်မှုတွေနဲ့ ပတ်သက်ပြီး စုံစမ်းစစ်ဆေးရေးကော်မရှင် ဖွဲ့စည်းခဲ့တာကို ဖိလစ်ပိုင်အစိုးရက ဗုဒ္ဓဟူးနေ့ မနေ့က ကြိုဆိုလိုက်ပါတယ်။
ရခိုင်ပြည်နယ်ရဲ့ အခြေအနေတွေကို ဖိလစ်ပိုင်က အထူးစိုးရိမ်စွာ အစဉ်မပြတ်စောင့်ကြည့်နေကြောင်းနဲ့ အခုလို မြန်မာအစိုးရက ကတိကဝတ်ပြု ဆောင်ရွက်ခဲ့တာကို ကြိုဆိုပါကြောင်း ဖိလစ်ပိုင်နိုင်ငံခြားရေးဝန်ကြီး Alan Peter Cayetano အလန် ပီတာ ကာယေတာ့နို က ပြောပါတယ်။
ဒါ့အပြင် ဇူလိုင် ၃ဝ ရက်နေ့မှာ မြန်မာအစိုးရ ဖွဲ့စည်းခဲ့တဲ့ အဲဒီ စုံစမ်းရေးကော်မရှင်မှာ ဖိလစ်ပိုင် ဒုတိယ နိုင်ငံခြားရေးဝန်ကြီးဟောင်း သံအမတ်ကြီး Rosario Manalo ရိုဆာရီယို မယ်နာလို ကို ဥက္ကဌ အဖြစ် တာဝန်ပေး ခန့်အပ်ခဲ့တဲ့အတွက် ဂုဏ်ယူပါကြောင်းနဲ့ ရခိုင်ပြည်နယ်မှာ ပဋိပက္ခတွေ ချုပ်ငြိမ်းရေးအတွက် ဖိလစ်ပိုင်နိုင်ငံက ဝမ်းမြောက်ဝမ်းသာ ကူညီပံ့ပိုးလိုပါကြောင်းလည်း မနေ့က ပြောကြားခဲ့ပါတယ်။