အဖွဲ့တွေအားလုံးပါဝင်မှ NCA လက်မှတ်ရေးထိုးမည်
တစ်နိုင်ငံလုံး အပစ်ခတ်ရပ်စဲရေး လက်မှတ်ရေး ထိုးပွဲမှာ အစိုးရနဲ့လက်ရှိ တိုက်ပွဲတွေဖြစ်ပွားနေတဲ့ တိုင်းရင်းသားအဖွဲ့တွေ အပါအဝင်အားလုံးပါဝင်မှ အဖွဲ့အားလုံးက လက်မှတ်ရေးထိုးဖို့ ဆုံးဖြတ်လိုက် ပါတယ်။
-
2015-06-08 -
-
-
Your browser doesn’t support HTML5 audio
တစ်နိုင်ငံလုံး အပစ်ခတ်ရပ်စဲရေး လက်မှတ်ရေးထိုးပွဲမှာ အစိုးရနဲ့လက်ရှိ တိုက်ပွဲတွေဖြစ်ပွားနေတဲ့ တိုင်းရင်းသားအဖွဲ့တွေ အပါအဝင်အားလုံးပါဝင်မှ အဖွဲ့အားလုံးက လက်မှတ်ရေးထိုးဖို့ ဆုံးဖြတ်လိုက်ပါတယ်။
ကရင်ပြည်နယ် လော်ခီးလာမှာ ကျင်းပနေတဲ့ တိုင်းရင်းသားလက်နက်ကိုင်တွေရဲ့ ညီလာခံ ၇ ရက်မြောက်နေ့ ဒီနေ့ ဆုံးဖြတ်နိုင်ခဲ့တာလို့ ညီလာခံကျင်းပရေးကော်မတီဝင် KNU တွဲဘက်အတွင်းရေးမှူး ပဒိုမန်းမန်း က ပြောပါတယ်။
"ကျနော်တို့ အခုကျင်းပတဲ့ ထိပ်သီးအစည်းအဝေး အခြေခံအားဖြင့်က NCCT အဖွဲ့ဝင် ၁၆ ဖွဲ့ NCA လက်မှတ်ထိုးမယ်ဆို ပါဝင်ရမယ်ပေ့ါနော်၊ ဒါက ထိပ်သီးအစည်းအဝေးမှာ ဆုံးဖြတ်ချက်ဖြစ်ပါတယ်"
ဒီညီလာခံကနေ အစိုးရနဲ့ ဆွေးနွေးနိုင်ဖို့ အပစ်အခတ်ရပ်စဲရေး ညှိုနှိုင်းရေးအဖွဲ့တစ်ခုကို ထပ်မံဖွဲ့စည်းလိုက်ပြီး အဲ့ဒီမှာ အဖွဲ့ဝင် ၁၅ ဦးပါဝင်မယ်လို့ ပဒိုမန်းမန်း က ပြောပါတယ်။
ဒါ့အပြင် ဒီဆွေးနွေးပွဲကနေ တစ်နိုင်ငံလုံး အပစ်အခတ်ရပ်စဲရေးစာချုပ်မှာ ပြင်ဆင်ထည့်သွင်းဖို့ အချက် ၁၀ ချက်ကျော် ရရှိခဲ့တာကြောင့် ဒီအချက်တွေကို အစိုးရဖက်က သဘောတူနိုင်ရင် အပစ်ရပ်စာချုပ်လက်မှတ်ကို အမြန်ဆုံးထိုးနိုင်မယ်လို့ ယူဆကြောင်း ပြောပါတယ်။
ညီလာခံကျင်းပရေးကော်မတီဝင် KNU တွဲဘက်အတွင်းရေးမှူး ပဒိုမန်းမန်း ကို RFA သတင်းထောက် ကိုသီဟထွန်းက ဆက်သွယ်မေးမြန်းထားပါတယ်။