KIO နဲ့ ပြည်ထောင်စု ငြိမ်းချမ်းရေး လုပ်ငန်းကော်မတီ အလွတ်သဘော တွေ့ဆုံ

• 
  2012-05-31

အပစ်အခတ် ရပ်စဲရေး လုပ်ငန်းစဉ်တွေ သဘောတူညီချက် ရဖို့အတွက် ဒီတွေ့ဆုံပွဲမှာ ကြိုတင်ညှိနှိုင်း ဆွေးနွေးကြမှာ ဖြစ်တယ်လို့ KIO အရာရှိတစ်ဦးက RFA ကို ပြောပါတယ်။

ပြီးခဲ့တဲ့ မေလ (၂၁) ရက်နေ့ကလည်း KIO အထွေထွေ အတွင်းရေးမှူး ဒေါက်တာလဂျာ ဦးဆောင်တဲ့အဖွဲ့နဲ့ ဦးအောင်မင်း ဦးဆောင်တဲ့ အစိုးရ ကိုယ်စားလှယ်အဖွဲ့တို့ဟာ ထိုင်းနိုင်ငံမြောက်ပိုင်း ချင်းရိုင်မြို့မှာ အလွတ်သဘော တွေ့ဆုံခဲ့ကြပါတယ်။

ဒီအတောအတွင်း ကချင်ပြည်နယ် ဖားကန့်ဒေသမှာ ကေအိုင်အေနဲ့ မြန်မာစစ်တပ်အကြား တိုက်ပွဲတွေ ဖြစ်ပွားနေတာကြောင့် ကျောက်စိမ်းတူးဖော်ရေး ကုမ္ပဏီတွေနဲ့ အလုပ်သမားတွေကို နမ္မတီးဘက်ကို ပြောင်းရွှေ့ကြဖို့ အာဏာပိုင်တွေက ညွှန်ကြားထားကြောင်း သိရပါတယ်။