ICRC က မြန်မာနိုင်ငံ အကျဉ်းထောင်တွေကို သွားရောက်စစ်ဆေးနိုင်ဖွယ်ရှိ

• 
  2013-01-17

ICRC အနေနဲ့ မြန်မာနိုင်ငံ အကျဉ်းထောင်တွေရဲ့ သောက်ရေသုံးရေ၊ မိလ္လာစနစ်၊ ဆေးဝါးရရှိမှု၊ အကျဉ်းသားတွေရဲ့ ကျန်းမာရေး စတဲ့ အခြေအနေတွေကို ကြည့်ရှုစစ်ဆေးဖို့ အသင့်ရှိနေပြီး၊ အကျဉ်းသားတချို့နဲ့လည်း တစ်ဦးချင်းတွေ့ဆုံနိုင်လိမ့်မယ်လို့ မျှော်လင့်ကြောင်း ICRC ဥက္ကဌ မစ္စတာ Peter Maurer  က ပြောပါတယ်။

ICRC ဟာ ၇နှစ်အတွင်း ပထမဆုံးအကြိမ် မြန်မာနိုင်ငံအကျဉ်းထောင်တွေကို ပြန်လည်စစ်ဆေးခွင့်ရရှိတာ ဖြစ်ပါတယ်။

ICRC ရဲ့ စည်းမျဉ်းတွေအရ စစ်ဆေးတွေ့ရှိချက်တွေကို သက်ဆိုင်ရာအစိုးရကို တင်ပြတာကလွဲပြီး ပြင်ပကိုမပေါက်ကြားစေရဘဲ၊ လိုအပ်လာပြီလို့ ဆုံးဖြတ်ရမယ့် အခြေအနေမျိုးရှိမှသာ အများပြည်သူကို ထုတ်ဖေါ်ပြောဆိုမှာဖြစ်ပါတယ်။