ငလျင်ဒဏ်သင့်ဒေသတွေ ပြန် လည် ထူထောင်ရေး တရုတ် သံအမတ် ဒေါ်လာတသိန်း လှူဒါန်း

• 
  2016-09-05

ပြီးခဲ့တဲ့ သြဂုတ်လ ၂၄ ရက်နေ့က လှုပ်ခတ်ခဲ့တဲ့ ငလျင်ကြောင့် ပျက်စီးသွားတဲ့ဒေသတွေ ပြန်လည်ထူထောင်ရေး အတွက် မြန်မာနိုင်ငံဆိုင်ရာ တရုတ်သံအမတ်က မြန်မာနိုင်ငံကြက်ခြေနီ အသင်းကို အမေရိကန်ဒေါ်လာ တသိန်း (မြန်မာကျပ်ငွေ သိန်းတထောင့်နှစ်ရာကျော်) လှူဒါန်းလိုက်ပါတယ်။

ဒီနေ့ ရန်ကုန်မြို့ မြန်မာနိုင်ငံ ကြက်ခြေနီအသင်းရုံးမှာ မြန်မာနိုင်ငံဆိုင်ရာ တရုတ်သံအမတ်ကြီး Mr. Hong Liang က တရုတ်နိုင်ငံ ကြက်ခြေနီအသင်းကိုယ်စား လှူဒါန်းခဲ့တာဖြစ်ပါတယ်။

လှူဒါန်းငွေတွေထဲက တချို့ကို ငလျင်ကြောင့်ပျက်စီးသွားတဲ့ ပုဂံဒေသက ရှေးဟောင်း စေတီပုထိုးတွေ ပြုပြင်ရာမှာ အသုံးပြုသွားမှာဖြစ်ပြီး ကျန်တဲ့အလှူငွေတွေကို ပုဂံဒေသပတ်ဝန်းကျင် ပြန်လည်ထူထောင်ရေး လုပ်ငန်းတွေမှာ အသုံးပြုသွားမယ်လို့ မြန်မာနိုင်ငံကြက်ခြေနီအသင်းက သတင်းထုတ်ပြန်ပါတယ်။

လှူဒါန်းငွေအသုံးပြုမှုနဲ့ ပတ်သက်ပြီး တရုတ်နိုင်ငံကို ပြန်လည်တင်ပြမှာဖြစ်တယ်လို့လည်း မြန်မာနိုင်ငံ ကြက်ခြေနီ အသင်းရဲ့ ထုတ်ပြန်ချက်မှာ ပါရှိပါတယ်။