ဝေါမြို့နယ် ရေဘေးဒုက္ခသည် အတွက် ၈၈ ကျောင်းသားအဖွဲ့ လှူဒါန်း

• 
  2012-10-17

၈၈ မျိုးဆက် ကျောင်းသားများ အဖွဲ့ရဲ့ မူဝါဒအရ ရေဘေးနဲ့ ပတ်သက်ရင် အဆိုးဝါးဆုံး နေရာတွေကို ရှာဖွေ လှူဒါန်းခဲ့တာ ဖြစ်တယ်လို့ ကိုဂျင်မီက RFA ကို ပြောပါတယ်။

"ပညာသင်ပေးနေတဲ့ ကျောင်းတကျောင်းမှာ အတော်လေး အခြေအနေဆိုးနေတယ်လို့ ကျွန်တော်တို့ကို အကြောင်းကြားလာတယ်။ ကျွန်တော်တို့အဖွဲ့ရဲ့ မူဝါဒအရ ရေဘေးနဲ့ ပတ်သက်ရင် အဆိုးဝါးဆုံး နေရာတွေကို ရှာဖွေ လှူဒါန်းတာ ဖြစ်တဲ့အတွက် ကျွန်တော်တို့ စိစစ်လိုက်တဲ့အခါမှာ တကယ်ပဲ ဟောဒီနေရာက ဆိုးဝါးနေတယ်။ အဲဒါကြောင့် ကျွန်တော်တို့ လာပြီး ကူညီထောက်ပံ့တာပါ။"

၈၈ မျိုးဆက် ကျောင်းသားများ အဖွဲ့ရဲ့ ဝေါမြို့ခရီးစဉ် အပါအဝင် ဧရာဝတီတိုင်း ရေဘေးနဲ့ ပတ်သက်လို့ လှူဒါန်းတာ ၄ ကြိမ်မြောက်ရှိပြီလို့ သိရပါတယ်။