NUG နိုင်ငံခြားရေးဝန်ကြီး ဒေါ်ဇင်မာအောင်နဲ့ RFA တွေ့ဆုံမေးမြန်းချက် (ပထမပိုင်း)
အမေရိကန်နိုင်ငံ ဝါရှင်တန်ဒီစီမြို့တော်ကို ရောက်ရှိနေတဲ့ အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီး ဒေါ်ဇင်မာအောင်ဟာ အမေရိကန်ဒုတိယနိုင်ငံခြားရေးဝန်ကြီး Wendy Sherman တွေ့ဆုံပြီး မြန်မာ့အရေးဆွေးနွေးခဲ့ပါတယ်။
-
ခင်မောင်စိုး (ဝါရှင်တန်ဒီစီ)
2022-05-12 -
-
-
Photo: RFA
အမေရိကန်ပြည်ထောင်စု ဝါရှင်တန်ဒီစီမြို့တော်ကို ရောက်ရှိနေတဲ့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီး ဒေါ်ဇင်မာအောင်ဟာ မေလ ၁၂ ရက်နေ့မှာ အမေရိကန် ဒုတိယနိုင်ငံခြားရေးဝန်ကြီး Wendy Sherman နဲ့ တွေ့ဆုံပြီး မြန်မာ့အရေးဆွေးနွေးခဲ့ပါတယ်။
ဒေါ်ဇင်မာအောင်ဟာ ဒီခရီးစဉ်အတွင်း အမေရိကန်အစိုးရပိုင်းက ခေါင်းဆောင်တွေအပြင် ဝါရှင်တန်ဒီစီမြို့တော်မှာ ကျင်းပတဲ့ အမေရိကန်-အာဆီယံ ထိပ်သီးဆွေးနွေးပွဲကို တက်ရောက်လာတဲ့ အာဆီယံခေါင်းဆောင် တချို့နဲ့လည်း တွေ့ဆုံဖို့ ရှိနေတာပါ။ မလေးရှားနိုင်ငံခြားရေးဝန်ကြီး ဆိုင်ဖူဒင် အဗ္ဗဒူလာနဲ့လည်း မေလ ၁၄ ရက် မနက်ဖြန်တွေ့ဆုံမှာ ဖြစ်ပါတယ်။
အမေရိကန်ခရီးစဉ်နဲ့ ပတ်သက်ပြီး NUG ဝန်ကြီး ဒေါ်ဇင်မာအောင်ကို RFA ရုံးချုပ်မှာ ဦးခင်မောင်စိုးက သီးသန့်တွေ့ဆုံမေးမြန်းထားပါတယ်။