ဖုယင်အထည်ချုပ်အလုပ်သမားအရေး မပြေလည်သေး
ရန်ကုန်တိုင်း ဒဂုံဆိပ်ကမ်းမြို့နယ်က တရုတ်လုပ်ငန်းရှင်ရဲ့ ဖုယင်အထည်ချုပ်စက်ရုံမှာ သပိတ် မှောက်နေတဲ့အလုပ်သမားတွေအရေးက ၁၈ ရက်ကြာလာပေမယ့် ဖြေရှင်းလို့မရသေးပဲဖြစ်နေ ပါတယ်။
-
2018-09-07 -
-
-
Your browser doesn’t support HTML5 audio
ရန်ကုန်တိုင်း ဒဂုံဆိပ်ကမ်းမြို့နယ်က တရုတ်လုပ်ငန်းရှင်ရဲ့ ဖုယင်အထည်ချုပ်စက်ရုံမှာ သပိတ် မှောက်နေတဲ့အလုပ်သမားတွေအရေးက ၁၈ ရက်ကြာလာပေမယ့် ဖြေရှင်းလို့မရသေးပဲဖြစ်နေ ပါတယ်။
အကြောင်းမရှိအလုပ်ထုတ်ခံလိုက်ရတဲ့ အလုပ်သမားသမဂ္ဂခေါင်းဆောင်တွေနဲ့အဖွဲ့ဝင်အယောက် ၃၀ ကိုအလုပ်ပြန်ခန့်ဖို့၊ အချိန်ပိုလုပ်ခလစာပေးဖို့၊ စက်ရုံထဲမှာ ကျန်းမာရေးနဲ့ညီညွတ်အောင် မီးပူတိုက်တဲ့အဆောင်မှာ အပူအအေးမျှတအောင်ဆောင်ရွက်ပေးဖို့ဆိုတဲ့အချက်တွေအပါအဝင် ၉ ချက်တောင်းဆိုနေတာပါ။
စက်ရုံမှာ အလုပ်သမား ၉ ရာကျော်ရှိပြီး၊ ၃ ရာကျော်ကသပိတ်မှောက်နေသလို၊ ကျန်တဲ့အလုပ် သမားတွေထဲမှာ သပိတ်မှောက်တဲ့အထဲလဲမပါ၊ အလုပ်လဲမဆင်းကြတဲ့သူတွေလဲ တော်တော်များများ ရှိနေပါတယ်။ အလုပ်သမားအများစုက ဧရာဝတီတိုင်း၊ ပဲခူးတိုင်းနဲ့ အညာဒေသတွေကဖြစ်ပြီး အမျိုးသမီးအများစုဖြစ်ပါတယ်။
ဒီအကြောင်းတွေနဲ့ပတ်သက်လို့ အလုပ်ထုတ်ခံထားရတဲ့ သမဂ္ဂခေါင်းဆောင် မသက်ထားဆွေကို RFA ဝိုင်းတော်သား ကိုနေရိန်ကျော်ဆက်သွယ်မေးမြန်းထားပါတယ်။