སློབ་ཕྲུག་ཚོས་ཆོས་ལུགས་ལ་མ་བརྟེན་པའི་བཟང་སྤྱོད་ཐོག་བགྲོ་གླེང་།

༄༅། །ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  ཕྱི་ལོ་ ༢༠༢༠ ཟླ་ ༢ ཟླ་དཀྱིལ་དུ་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་དུ་རྟེན་གཞི་བྱས་པའི་༧ཏཱ་ལའི་བླ་མའི་མཐོ་རིམ་སློབ་གཉེར་ཁང་དུ་བོད་ཀྱི་མཐོ་རིམ་སློབ་མའི་ཚོགས་ཆེན་སྐབས་ ༡༤ པའི་སྔོན་འགྲོའི་ལས་འཆར་ཁོངས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དགོངས་གཞི་ལས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་གལ་གནད་སྐོར་བགྲོ་གླེང་ལས་རིམ་ཚོགས་པ་དང་བསྟུན།  ལས་རིམ་དེ་དང་གཞན་ཡང་གཞོན་སྐྱེས་མཐོ་རིམ་སློབ་མ་དང་འབྲེལ་བའི་གནད་དོན་ཅི་རིགས་ཐོག་བོད་ཀྱི་མཐོ་རིམ་སློབ་མའི་ཚོགས་ཆེན་གྱི་སྤྱི་ཁྱབ་འབྲེལ་མཐུད་པ་དཀོན་མཆོག་རིན་ཆེན་ལགས་དང་།  ལས་འཆར་བགྲོ་གླེང་གོ་སྒྲིག་ཚོགས་ཆུང་གི་ཚོགས་གཙོ་གདན་ས་སེ་རའི་དགེ་འདུན་པ་བསོད་ནམས་ཕུན་ཚོགས་ལགས།  ཚོགས་པའི་ཞིབ་འཇུག་ཚོགས་ཆུང་གི་ཚོགས་གཞོན་བློ་བཟང་ཚེ་དཔག་ལགས་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།