བོད་མི་སྤྱི་ལ་ཁྱབ་པའི་སྨན་བཅོས་འགྲོ་གྲོན་རོགས་རམ་གྱི་ལས་གཞི།

ཐེངས་འདིའི་འཕྲོད་བསྟེན་ལེ་ཚན་ནང་། བོད་མིའི་སྒྲིག་འཛུགས་ཀྱིས་རྒྱ་གར་ནང་གི་བོད་མི་སྤྱི་ལ་ཁྱབ་པའི་སྨན་བཅོས་འགྲོ་གྲོན་རོགས་རམ་གྱི་ལས་གཞི་ཞིག་བཙུགས་ཡོད་པ་དེ་ནི་གཙོ་བོ་བོད་མི་ཚོར་ཕན་ཐོགས་སྐྲུན་རྒྱུ་ཁོ་ན་དམིགས་པ་ཞིག་ཡིན་པ་ངོས་འཛིན་གནང་གི་ཡོད་པ་དང་། ལས་གཞི་དེ་ལག་བསྟར་གནང་ནས་ད་བར་ལོ་ངོ་བཅུ་ཙམ་འགྲོ་བཞིན་ཡོད་དེའི་ནང་བོད་མི་མི་ཉུང་བར་སྨན་བཅོས་ཀྱི་འགྲོ་གྲོན་ཁེ་ཕན་ཐོབ་ཡོད་པ་ལྟར་། ད་དུང་ཡང་ལས་གཞི་དེའི་ནང་འཛུལ་ཞུགས་གནང་མཁན་བོད་མི་ཚོར་སྨན་བཅོས་ཀྱི་འགྲོ་གྲོན་ཁེ་ཕན་ཇི་ལྟར་ཐོབ་ཀྱི་ཡོད་པའི་སྐོར་ལ་ངོ་སྤྲོད་གནང་བ་ཞིག་གཡུ་སྒྲོན་ལགས་ཀྱིས་ཕྱོགས་བསྡུས་ཞུས་པར་གསན་རོགས།
གསར་འགོད་པ། གཡུ་སྒྲོན།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།