ནང་ཆོས་སློབ་གཉེར་དང་མཉམ་ཚན་རིག་མཉམ་སྦྲེལ་གྱི་སློབ་སྦྱོང་།

༄༅།།ཐེངས་འདིའི་གནད་དོན་གླེང་མོལ་གྱི་ལེ་ཚན་ནང་བོད་མིའི་སྤྱི་ཚོགས་ཁྲོད་དུ་ནང་ཆོས་སློབ་གཉེར་དང་མཉམ་ཚན་རིག་མཉམ་སྦྲེལ་གྱི་སློབ་སྦྱོང་གནང་རྒྱུའི་ཐོག་ལ་ཐུགས་སྣང་གནང་དགོས་པ་གལ་ཆེ་ཡིན་པ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་སྔ་རྗེས་ལམ་སྟོན་གནང་དང་གནང་མུས་ཡིན་པ་ལྟར། ཚན་རིག་སློབ་ཚབ་ལ་ཞུགས་མཁན་དང་སློབ་གཉེར་བ། འཛམ་གླིང་གང་སར་བོད་མི་ཚན་རིག་གི་སྡེ་ཚན་བྱེ་བྲག་པ་ཁག་སོ་སོའི་ཐོག་ལ་རིགས་གཅིག་རྐང་འཛིན་བྱེད་པོ་ཇེ་མང་འགྲོ་བཞིན་ཡོད་པ་རེད།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བོད་ཀྱི་ཚན་རིག་མཐུན་ཚོགས་ཀྱི་ཚོགས་མི་འབུམ་རམས་པ་བསྟན་འཛིན་པ་སངས་ལགས་དང་ལྷན་བོད་མིའི་སྤྱི་ཚོགས་ཁྲོད་དུ་ཚན་རིག་པ་གསོ་སྐྱོང་གནང་ཕྱོགས་ཐད་འདས་ད་ལྟ་མ་འོངས་བཅས་ཀྱི་གནས་སྟངས་ཐོག་ནས་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པ་ཞིག་གསན་རོགས་ཞུ།།

གསར་འགོད་པ་བཀྲ་ཤིས་དབང་ཕྱུག