བོན་ཀྱི་ཆོས་ལུགས་བྱུང་སྟངས་དང་བོད་ནང་རྒྱ་ནག་གིས་བཙན་འཛུལ་བྱས་རྗེས་ཉམ་རྒུད་ཕྱིན་པ་དེ་བཞིན་སླར་གསོ་གང་འདྲ་བྱུང་ཡོད་མེད་སྐོར་གླེང་མོལ།

དེ་ཡང་བོད་ནང་སངས་རྒྱས་ཆོས་ལུགས་མ་བྱུང་གོང་དུ་བོད་ཀྱི་སྤྱི་ཚོགས་ཀྱི་རིམ་པ་དེ་མང་པོ་ཞིག་སོང་ཟིན་པ་དང༌། སྤྱི་ཚོགས་དེ་འདྲའི་ནང་དུ་མི་རིགས་སོ་སོའི་འདུ་ཤེས་དེ་འཕེལ་རྒྱས་འགྲོ་དུས་དེའི་ནང་རིག་གནས་ཤིག་ངེས་པར་ཡོད་དགོས་པ་ཡིན་པའི་དཔེར་ན་རླུང་རྟ་སོགས་རིག་གནས་མང་པ་ཞིག་ད་ཆ་ངེད་ཅག་གིས་བཀོལ་བཞིན་པ་དག་བོན་ཆོས་ནས་དར་བ་ཡིན་པའི་སྐོར་བརྗོད་ཀྱི་ཡོད་། བོན་པོའི་ཆོས་ཐོག་མར་གསར་གཏོད་གནང་མཁན་ནི་བོན་གྱི་སྟོན་པ་གཤེན་རབ་ག་དུས་བྱོན་མིན་ཐད་བོན་པོའི་ལོ་རྒྱུས་ནང་ཤོད་སྟངས་ཅུང་མི་འདྲ་བ་ཡོད།
དེ་རིང་ཁ་བའི་གྲོས་རྭ་ལེ་ཚན་ནང་རྒྱ་ནག་གིས་བོད་བཙན་འཛུལ་རྗེས་གཡུང་དྲུང་བོན་གྱི་ཆོས་ལུགས་ཉམས་རྒུད་དང་ད་ལྟའི་ཆར་བོད་ཕྱི་ནང་དུ་སླར་གསོ་སྐོར་དང་ལྷག་པར་དུ་བཙན་བྱོལ་ནང་༧གོང་ས་རྒྱལ་བ་རིན་པོ་ཆེ་མཆོག་གིས་ཐུགས་རྗེ་དཀའ་དྲིན་འོག་བོན་ཆོས་ལ་བརྩི་མཐོང་དང་འཛམ་གླིང་ཤར་ནུབ་གང་ས་ཁྱབ་སྤེལ་ཇི་ལྟར་ཕྱིན་སྐོར། བོན་པོའི་དགེ་བཤེས་གཡུང་དྲུང་རྒྱལ་མཚན་ལགས་དང་ལྷན་དུ་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་ལགས་ཀྱིས་གླེང་མོལ་ཞུས་པར་གསན་རོགས་ཞུ།།
གསར་འགོད་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག