བོད་དོན་ལ་སེམས་འཚབ་ཡོད་པའི་རྣམ་འགྱུར་འདོན་འཇུག་མིན།
2015.10.13
༧གོང་ས་མཆོག་དང་དབྱིན་ཇིའི་རྒྱལ་སྲས་མཆོག་རྣམ་གཉིས་དབྱིན་ཡུལ་ནས་མཇལ་འཕྲད་སྐབས། ༢༠༡༢།༦།༢༠
zimbio.com
དབྱིན་ཇིའི་རྒྱལ་སྲས་མཆོག་གིས་བོད་དོན་ལ་སེམས་འཚབ་ཡོད་པའི་རྣམ་འགྱུར་དབྱིན་ཇིའི་གཞུང་གིས་འདོན་འཇུག་མིན་གྱི་གནད་དོན་གླེང་འདུག
དེ་ཡང་གཟའ་འཁོར་རྗེས་མར་རྒྱ་ནག་གི་སྲིད་འཛིན་ཞི་ཇིན་པིང་དབྱིན་ཡུལ་དུ་རྒྱལ་དོན་འཚམས་གཟིགས་གནང་པའི་སྐབས། རྒྱ་ནག་གིས་བོད་ཐོག་དྲག་གནོན་བྱེད་བཞིན་པར་དབྱིན་ཇིའི་རྒྱལ་སྲས་ཅརལསི་ཡིས་སེམས་འཚབ་ཡོད་པའི་རྣམ་འགྱུར་དབྱིན་ཇིའི་གཞུང་གིས་འདོན་འཇུག་མིན་གྱི་གནད་དོན་འདི་ནི་རྒྱ་ནག་གི་སྲིད་འཛིན་གྱི་འཚམས་གཟིགས་སྐབས་ཀྱི་ཕྱི་འབྲེལ་སྲིད་ཇུས་དང་འབྲེལ་བའི་འགག་རྩའི་གནད་དོན་ཞིག་ཏུ་གྱུར་ཡོད་པ་Forbes དཔལ་འབྱོར་གསར་ལས་ཁང་གིས་ཕྱི་ཟླ་༡༠ཚེས་༡༡ཉིན་གནས་ཚུལ་སྤེལ་ཡོད་པ་དང་།
གསར་ལས་ཁང་དེས་སྤེལ་བའི་གནས་ཚུལ་ནང་དབྱིན་ཇིའི་རྒྱལ་སྲས་ཅརལསི་ནི་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་ཐུགས་འབྲེལ་ཧ་ཅང་ཉེ་པོ་ཡོད་མཁན་ཞིག་ཡིན་པ་དང་། ཁོང་གིས་ད་བར་རྒྱ་ནག་གི་དཔོན་རིགས་དབྱིན་ཇིའི་རྒྱལ་ས་ལོན་ཌོན་དུ་ནམ་ཞིག་འཚམས་གཟིགས་སུ་ཕེབས་ཀྱང་གཡོལ་ཐབས་གནང་ཡོད་འདུག་ལ། གཟའ་འཁོར་རྗེས་མར་རྒྱ་ནག་གི་སྲིད་འཛིན་ཞི་ཇིན་པིང་ལ་དབྱིན་ཇིའི་རྒྱལ་མོའི་ཕོ་བྲང་དུ་རྒྱལ་ཁབ་ཀྱི་གསོལ་སྟོན་གྲ་རྒྱས་ཞིག་བཤམ་སྟོན་སྐབས་སུ་ཡང་ཆེད་མངགས་གཡོལ་ཐབས་གནང་རྒྱུའི་དགོངས་བཞེས་གནང་བཞིན་ཡོད་པ་གནད་དོན་དབྱེ་ཞིབ་པ་ཚོས་ཚོད་དཔག་བྱེད་བཞིན་ཡོད་པ་རེད།
ཉེ་བའི་དུས་སུ་དབྱིན་ཇིའི་གཞུང་གིས་རྒྱ་ནག་ལ་དཔལ་འབྱོར་གྱི་ཁེ་ཕན་ཆེད་འབྲེལ་ལམ་ཤུགས་ཆེ་བྱེད་བཞིན་ཡོད་ལ། རྒྱ་ནག་གིས་ཀྱང་དབྱིན་ཇིའི་དགོས་མཁོ་ངོས་བཟུང་སྟེ་དབྱིན་ཡུལ་ཐོག་དཔལ་འབྱོར་གྱི་དབང་ཤུགས་བེད་སྤྱོད་ཆེན་པོ་བྱེད་བཞིན་ཡོད་པ་མ་ཟད། དབྱིན་ཇིའི་རྒྱལ་ཁབ་ཀྱི་ཆེ་ཐོངས་ལ་མཐོང་ཆུང་ཆེན་པོ་བྱེད་བཞིན་ཡོད་པ་གནད་དོན་དབྱེ་ཞིབ་པ་ཚོས་འགྲེལ་བརྗོད་བྱེད་བཞིན་ཡོད་པ་རེད། དཔེར་ན་གཟའ་འཁོར་རྗེས་མར་རྒྱ་ནག་གི་སྲིད་འཛིན་ལ་དབྱིན་ཇིིའི་རྒྱལ་མོ་དབུ་ཞུགས་ཐོག་ Buckingham ཕོ་བྲང་ནང་གསོལ་སྟོན་བཤམས་པའི་སྐབས་རྒྱ་ནག་གི་སྲིད་འཛིན་གྱི་འཐུང་ཆུ་རྒྱ་ནག་ནས་འོར་འདྲེན་བྱ་རྒྱུ་ཡིན་པ་རྒྱ་ནག་གཞུང་གིས་བརྗོད་ཡོད་པ་རེད། རྒྱ་ནག་གི་སྲིད་འཛིན་ཨ་རི་དང་དེ་མིན་གྱི་ཡུལ་གྲུ་ཁག་ཏུ་བསྐྱོད་སྐབས་སྔོན་འགྲོའི་ཆ་རྐྱེན་འདི་རིགས་བཏོན་པ་ཧ་ལམ་གོ་རྒྱུ་མེད་པ་ཞིག་ཡིན་པ་རེད། རྒྱ་ནག་གཞུང་གིས་དེ་ལྟར་བྱ་དགོས་དོན་ནི་རྒྱ་ནག་གིས་ནུབ་ཕྱོགས་རྒྱལ་ཁབ་ཚོའི་ཐོག་དཔལ་འབྱོར་གྱི་སྟོབས་ཤུགས་ངོམས་སྟོན་བྱེད་པ་དང་དེ་བཞིན་ནུབ་ཕྱོགས་ཡུལ་གྲུ་ཚོས་༧གོང་ས་༧སྐྱབས་མགོན་ཆེན་པོ་མཆོག་ལ་རྒྱབ་སྐྱོར་ཞུ་བཞིན་པར་འཁོན་ལན་སློག་པ་ཞིག་ཡིན་པ་གནད་དོན་དབྱེ་ཞིབ་པ་ཚོས་ངོས་འཛིན་བྱེད་བཞིན་ཡོད་པ་རེད།
གསར་འགོད་པ་སྤྱི་ཁྱབ་རྩོམ་སྒྲིག་པ་སྐལ་ལྡན་བློ་གྲོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག