ཨ་རིའི་གྲོས་ཚོཌ་ཀྱི་འཐུས་མི་འབར་མར་རྟོགས་ཞིབ།

༄༅༎ཨ་རིའི་གྲོས་ཚོགས་གོང་མའི་གནས་ཡོད་འཐུས་མི་སྐུ་ཞབས་ཇོན་མེ་ཀེན་མཆོག་འབར་མའི་རྒྱལ་ཁབ་ནང་ཆབ་སྲིད་ཀྱི་གནས་སྟངས་རྟོགས་ཞིབ་ཀྱི་གཟིགས་སྐོར་གྱི་མཛད་འཆར་ནང་ཕྱོགས་འགལ་ཆབ་སྲིད་ཚོགས་པའི་དབུ་འཁྲིད་ལྩམ་ཨོང་སན་སུའུ་ཅི་ལྷན་དང་མཇལ་འཕྲད་གནང་འཆར་ཡོད་པའི་གནས་ཚུལ་ཐོན་འདུག་༎

ཨ་རིའི་སྲིད་འཛིན་ཨོ་སྦ་མའི་སྲིད་གཞུང་གིས་འབར་མ་རྒྱལ་ཁབ་དང་མཐུན་འབྲེལ་ཆེ་རུ་གཏོང་བའི་སྲིད་ཇུས་དང་སྟབས་བསྟུན་སྟེ་ ཨ་རིའི་གྲོས་ཚོགས་གོང་མའི་ནང་སྤྱི་མཐུན་ཚོགས་པའི་གནད་ཡོད་འཐུས་མི་སྐུ་ཞབས་ཇོན་མེ་ཀེན་ཁུལ་དེའི་ནང་གཟིགས་སྐོར་རུ་ཕེབས་ཡོད་པ་རེད་ འབར་མའི་གཞུང་འབྲེལ་གསར་འགྱུར་བརྒྱུད་ལམ་གྱི་གནས་ཚུལ་ནང་གསལ་ལྟར་ན་ རེས་གཟའ་ལྷག་པའི་ཉིན་སྐུ་ཞབས་མེ་ཀེན་གྱིས་འབར་མའི་སྲིད་འཛིན་སྐུ་གཞོན་དང་ཕྱི་སྲིད་བློན་ཆེན་རྣམ་གཉིས་ལྷན་དང་མཇལ་འཕྲད་གནང་སྟེ་རྒྱལ་ཁབ་གཉིས་དབར་མཉམ་ལས་དང་མཐུན་འབྲེལ་ཡར་རྒྱས་གཏོང་ཕྱོགས་སྐོར་བཀའ་བསྡུར་གནང་ཡོད་པ་རེད་ རེས་གཟའ་ཕུར་བུའི་ཉིན་སྐུ་ཞབས་མེ་ཀེན་མཆོག་ནས་རྒྱལ་ས་ཡན་གོན་དུ་འབར་མ་དམངས་གཙོ་ཚོགས་པའི་དབུ་འཁྲིད་ལྕམ་ཨོང་སན་སུའུ་ཅི་ལྷན་དང་མཇལ་འཕྲད་གནང་འཆར་འདུག་ལ་ སྐུ་ཞབས་མེ་ཀེན་གྱིས་ཀྲུ་ལྦི་ཀྲར་དྲ་རྒྱའི་ཐོག་ལྕམ་སུའུ་ཅི་མཆོག་ནི་ ཁོང་གི་མེ་ཚེའི་ནང་སེམས་ཤུགས་ཀྱི་ཀུན་་སློང་གནང་མཁན་ཞིག་ལ་ངོས་འཛིན་ཞུ་ཡི་ཡོད་པ་དང་ རྒྱུན་རིང་རྗེས་ད་རེས་ཁོང་གི་ལྷན་དང་མཇལ་འཕྲད་གནང་རྒྱུར་ངང་སྒུགཤིན་ཏུ་ཆེན་པོ་གནང་གི་ཡོད་སྐོར་འགྲེལ་བརྗོད་གནང་བཞག་༎