རྒྱ་ནག་ནང་འགྲོ་བ་མིའི་ཐོབ་ཐང་བཟང་དུ་གཏོང་བའི་སྐུལ་དེད།

༄༅༎རྒྱ་ནག་ནང་ཨ་མེ་རི་ཀའི་གཞུང་ཚབ་ཀྱིས་རྒྱ་ནག་ནང་འགྲོ་བ་མིའི་ཐོབ་ཐང་གི་གནས་སྟངས་བཟུང་དུ་གཏོང་དགོས་པའི་སྐུལ་དེད་ཞུས་གནང་འདུག
འདི་ཚེས་བཅུ་ཉིན་རྒྱལ་སྤྱིའི་འགྲོ་བ་མིའི་ཐོང་ཐང་སྲུང་བརྩིའི་ཉིན་ཨ་མེ་རི་ཀའི་གཞུང་ཚབ་ གེརི་ལོཀ་ གིས་རྒྱ་ནག་གཞུང་གིས་འགྲོ་བ་མིའི་ཐོབ་ཐང་གི་གནས་སྟངས་བཟང་དུ་གཏོང་དགོས་པོའི་སྐུལ་དེད་གནང་བ་དང་སྦྲགས་སྔ་ལོའི་ནོ་བྭེལ་ཞི་བདེ་ཟེངས་རྟགས་བཞེས་མཁན་ལིའུ་ཞའོ་པོ་བཙོན་འཇུག་བྱས་པ་དེ་དཔེ་ཚོན་དུ་གྲངས་ཡོད་ལུགས་ཨེ་པི་གསར་ལས་ཁང་གིས་བྭེ་ཅིང་ནས་གནས་ཚུལ་སྤེལ་འདུག ཡིག་ཐོག་འགྲེམས་སྤེལ་གནང་བའི་གཏམ་བཤད་དེའི་ནང་ཨ་རིའི་གཞུང་ཚབ་ཀྱིས་རྒྱ་ནག་གིས་དཔལ་འབྱོར་གནས་སྟངས་ཇི་བཟང་དུ་ཕྱིན་ཡོད་ཀྱང་འགྲོ་བ་མིའི་ཐོབ་ཐང་གི་གནས་སྟངས་བཟང་དུ་ཕྱིན་མེད་པ་དང་།ལིའུ་ཞའོ་པོ་ནང་མི་གཉིས་དང་དམ་བསྒྲགས་བྱེད་སྟངས། ཁྲིམས་ཞིབ་པ་  ཁྲན་ཀུང་ཁྲེང་ཁྲིམས་འགལ་བཀག་ཉར་དང་བོད་མི་དང་། ཡུ་གུར་མི་རིགས་ཀྱི་ཆོས་དད་རང་དབང་ལ་དམ་བསྒྲགས་བྱེད་བཞིན་པ་དེས་ རྒྱ་ནག་དང་འགྲོ་བ་མིའི་གནས་སྟངས་བཟང་དུ་འགྲོ་གི་མེད་པ་ཐེར་བཏོང་གནང་ཡོད་འདུག  རྒྱ་ནག་གཞུང་གིས་རྒྱ་ཆེའི་མང་ཚོགས་ཀྱི་འཚོ་བའི་གནས་སྔངས་ཇེ་བཟང་དུ་ཕྱིན་ལུགས་བརྗོད་དེ་འགྲོ་བ་མིའི་ཐོབ་ཐང་གི་གནས་སྟངས་སྲུང་སྐྱོབ་བྱེད་ཀྱི་ཡོད་ཚུལ་བརྗོད་བཞིན་པ་རེད།  ཨ་མི་རིའི་གྲོས་ཚོགས་ཀྱི་འཐུས་མི་ ཕེརེངྒ་ འུལྥ་དང་ཁིརིསེ་ སི་མིཏ་རྣམ་གཉིས་ཀྱིས་ཨ་རིའི་སྲིད་འཛིན་ཨོ་བྭ་མྭ་མཆོག་གིས་འགྲོ་བ་མིའི་ཐོབ་ཐང་གི་ཉིན་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ཐད་རྒྱ་ནགི་དབུ་ཁྲིད་ཚོར་གནོན་ཤུགས་སྤྲོད་དགོས་པའི་སྙན་ཞུ་ཞིག་ཕུལ་ཡོད་འདུག། བཙན་བྱོལ་བོད་མི་སྒྲིགས་འཛུགས་ཀྱི་བཀའ་བློན་ཁྲི་པ་བློ་བཟུང་སེངྒེ་མཆོག་གིས་ཀྱང་རྒྱ་ནག་གཞུང་གིས་བོད་ནང་འགྲོ་བ་མིའི་ཐང་སྲུང་བརྩི་དང་ཆབ་སྲིད་ཀྱི་བཙོན་པ་གློད་འགྲོལ་དགོས་པའི་སྐུལ་དེད་ཞུས་གནང་ཡོད་རེད༎