བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབས་རྣམས་ནས་རྒྱ་གར་Rajasthan ཁུལ་དུ་བོད་དོན་ཞུ་གཏུགས་ཀྱི་ལས་འགུལ་མཇུག་སྒྲིལ་ཡོད་པ།
tibet.net
དབུས་བོད་མིའི་སྒྲིག་འཛུགས་ཀྱི་དྲྭ་རྒྱའི་ནང་གནས་ཚུལ་སྤེལ་བར་གཞིགས་ན་། བོད་མི་མང་སྤྱི་འཐུས་རྡོ་རྗེ་ཚེ་བརྟན་ལགས་དང་། ཚེ་རིང་ལྷ་མོ་ལགས་རྣམ་གཉིས་ཟླ་བ་འདིའི་ཚེས་བཅུ་གཉིས་ནས་བཟུང་རྒྱ་གར་གྱི་ Rajasthan མངའ་སྡེའི་གྲོང་ཁྱེར་ Jaipur ནང་རྟེན་གཞི་བྱེད་པའི་ Rawat Group of Colleges ཞེས་པའི་མཐོ་རིམ་སློབ་གཉེར་ཁང་ནས་མགྲོན་འབོད་ལྟར་ཁུལ་དེར་ཕེབས་ཏེ་རྒྱ་གར་རང་བཙན་དུས་ཆེན་གྱི་མཛད་སྒོར་མཉམ་ཞུགས་གནང་འདུག གོང་ཞུས་དུས་ཆེན་སྐབས་སྤྱི་འཐུས་རྡོ་རྗེ་ཚེ་བརྟན་ལགས་ནས་། བོད་དང་རྒྱ་གར་གྱི་འབྲེལ་བའི་སྐོར་དང་ད་ལྟའི་ཆར་བོད་ནང་གི་ཛ་དྲག་གནས་སྟངས་། བོད་ཀྱི་གནད་དོན་ནི་རྒྱ་གར་གྱི་སྲུང་སྐྱོབ་ལའང་རང་བཞིན་གྱི་འབྲེལ་བ་ཆགས་ཀྱི་ཡོད་པ་སོགས་ངོ་སྤྲོད་གཏམ་བཤད་གནང་བ་དང་ཆབས་ཅིག་མཐོ་སློབ་ཀྱི་འབྲེལ་ཡོད་ཚོར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་གསུང་བསྩོམས་ཕྱག་དེབ་དང་བོད་མི་མང་སྤྱི་འཐུས་སྐོར་དང་འབྲེལ་བའི་ཕྱག་དེབ་ཁག་ཅིག་འབུལ་ལམ་ཞུས་ཡོད་འདུག
ཡང་སྤྱི་འཐུས་རྣམ་གཉིས་གྲོང་ཁྱེར་དེའི་ནང་ཡོད་པའི་བོད་མིའི་སུད་ཚོང་ཁྲོམ་རྭ་ཡོད་སར་འཚམས་གཟིགས་ཕེབས་པས་མ་ཟད་གྲོས་ཚོགས་འཐུས་མི་སྐུ་ཞབས་Ramcharan Bohra མཆོག་མཇལ་འཕྲད་གནང་ཏེ་བོད་མི་སུད་ཀྲར་ཚོང་མཁན་ཚོའི་ཁྲོམ་སའི་དཀའ་ངལ་སྐོར་སྙན་སེང་ཞུས་པར་ཁོང་གིས་མཐུན་འགྱུར་གང་ཐུབ་གནང་གི་ཡིན་ཞེས་ཞལ་བཞེས་ཐོབ་ཡོད་འདུག
དེ་ནས་སྤྱི་འཐུས་རྣམ་གཉིས་ Gyan Vihar University ཞེས་པའི་གཙུག་ལག་སློབ་གཉེར་ཁང་དུ་འཚམས་གཟིགས་ཕེབས་ཏེ་སློབ་གཉེར་ཁང་གི་སློབ་སྤྱི་གཞོན་པས་གཙོས་འབྲེལ་ཡོད་ཁག་ཅིག་མཇལ་འཕྲད་གནང་འདུག་ལ་དགེ་ལས་སློབ་ཕྲུག་ཚོར་ད་ལྟའི་བོད་ནང་རྒྱ་ནག་གཞུང་ནས་དྲག་གནོན་གྱི་སྲིད་བྱུས་འཛིན་བཞིན་པའི་གནས་སྟངས་དང་བོད་ཀྱི་དེ་སྔའི་ལོ་རྒྱུས་། རྒྱ་གར་དང་བོད་གཉིས་ཀྱི་འབྲེལ་བའི་རྒྱབ་ལྗོངས་དང་བཅས་སྲུང་སྐྱོབ་ཀྱི་གནད་དོན་བཅས་པའི་ཐོག་གཏམ་བཤད་སྤེལ་གནང་འདུག་ལ་དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་གནང་ཕྱོགས་སོགས་ཀྱི་ཐད་ལའང་ངོ་སྤྲོད་གནང་འདུག
དེ་དང་ཕྱོགས་མཚུངས་ཁོང་རྣམ་གཉིས་ནས་གྲོང་ཁྱེར་འཇེ་པུར་གྱི་ཉེན་རྟོག་པའི་སྤྱི་ཁྱབ་པ་དང་གཞན་ཡང་གྲོས་ཚོགས་འཐུས་མི་ལྕམ་Diviya Kumari མཆོག་ཀྱང་མཇལ་འཕྲད་གནང་ནས་མངའ་ཁུལ་དེའི་ནང་བོད་མི་སུད་ཚོང་བའི་བདེ་སྡུག་དང་དཀའ་ངལ་རྣམས་སྙན་སེང་ཞུས་པར་ཁོང་རྣམ་གཉིས་ནས་ཀྱང་མཐུན་འགྱུར་གནང་གི་ཡིན་ཞེས་གསུངས་ཡོད་པ་བཅས་བོད་དོན་གོ་རྟོག་དང་ཞུ་གཏུགས་ཀྱི་ལས་འགུལ་མཇུག་སྒྲིལ་ཡོད་འདུག
གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་སྤེལ་མཁན། ནོར་སྡེ་སྒྲོལ་མ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག