རྒྱ་ནག་ནང་བཅའ་སྡོད་ཨ་རིའི་གཞུང་ཚབ་ཆེན་མོས་བོད་ཐེ་བའི་རྒྱ་ནག་ནང་གི་ཆོས་དད་རང་དབང་ཐད་བློ་ཚབས་ཡོད་པ་བསྟན་འདུག
རྒྱ་ནག་ནང་བཅའ་སྡོད་ཨ་མི་རི་ཀའི་གཞུང་ཚབ་ཆེན་མོ་(Nicholas Burns)་ལགས་རྒྱ་ནག་ཧྲང་ཧེ་རུ།
Photo: RFA
ཨ་མི་རི་ཀའི་ཕྱི་སྲིད་ལས་ཁུངས་ཀྱིས་ལོ་ལྟར་རྒྱལ་སྤྱིའི་ནང་ཆོས་དད་རང་དབང་གི་གནས་སྟངས་སྐོར་ལ་ཞིབ་འཇུག་སྙན་ཐོ་འདོན་སྤེལ་གནང་བཞིན་ཡོད་པ་ལྟར། འདི་ཚེས་༢༦ཉིན་སྤྱི་ལོ་༢༠༢༣་ལོའི་རྒྱལ་སྤྱིའི་ཆོས་དད་རང་དབང་སྐོར་གྱི་ཞིབ་འཇུག་སྙན་ཐོ་དེ་བཞིན་ཨ་རིའི་ཕྱི་སྲིད་དྲུང་ཆེ་སྐུ་ཞབས་(Antony J. Blinken)་མཆོག་གིས་ཨ་རིའི་ཕྱི་སྲིད་ལས་ཁུངས་ནང་གཏམ་བཤད་དང་མཉམ་དུ་འདོན་སྤེལ་གནང་ཡོད་ཅིང་། སྙན་ཐོའི་ནང་རྒྱ་ནག་གཞུང་གིས་བོད་དང་། ཤར་ཏུར་ཀིསུ་ཐན། ཧོང་ཀོང་སོགས་གཙོས་གྲངས་ཉུང་མི་རིགས་གཞན་དག་དང་ཧྥ་ལུང་ཀུང་རྩ་རླུང་སྒོམ་སྒྲུབ་པ་སོགས་ཀྱི་ཆོས་ལུགས་དད་མོས་རང་དབང་ཐོག་སྔར་ལྷག་བཀག་སྡོམ་དང་སྟངས་འཛིན་བྱེད་བཞིན་ཡོད་པའི་སྐོར་ཐེར་འདོན་གནང་ཡོད་པ་དང་། དེ་འབྲེལ་རྒྱ་ནག་ནང་བཅའ་སྡོད་ཨ་མི་རི་ཀའི་གཞུང་ཚབ་ཆེན་མོ་(Nicholas Burns)་ལགས་ཀྱིས་འདི་ཚེས་༢༧ཉིན་སྙན་ཐོའི་ནང་དོན་ལྟར་རྒྱ་ནག་གཞུང་གིས་བོད་དང་། ཤིན་ཅིང་། ཧོང་ཀོང་སོགས་ཐེ་བའི་རྒྱ་ནག་ནང་གི་ཆོས་དད་རང་དབང་ལ་རྩིས་མེད་རྡོག་རོལ་གཏོང་བཞིན་པའི་གནས་སྟངས་ཐད་སེམས་ཚབས་ཡོད་པ་སྤྱི་ཚོགས་དྲྭ་རྒྱ་(x)་ནང་གསལ་སྟོན་གནང་འདུག
སྙན་ཐོ་དེའི་ནང་རྒྱ་ནག་གཞུང་གིས་བོད་བརྒྱུད་ནང་བསྟན་ཀྲུང་གོ་ཅན་དུ་བསྒྱུར་བཞིན་པ་དེས་བོད་མི་རིགས་ཀྱི་ངོ་བོ་དང་། ཆོས་དང་རིག་གཞུང་བཅས་བ་གནས་མིན་གྱི་ཉེན་ཁ་ཡོད་པ་ཐེར་འདོན་གནང་གདུག་ལ། རྒྱ་བསྒྱུར་གྱི་སྲིད་ཇུས་དེའི་རྐྱེན་གྱིས་བོད་ནང་ཆོས་དད་རང་དབང་རྡོག་རོལ་དང་འགྲོ་བ་མིའི་ཐོབ་ཐང་ལ་རྩིས་མེད་གཏོར་བཤིག་ཚབས་ཆེན་ཐེབས་ཀྱི་ཡོད་པ་ཡང་ཐེར་འདོན་གནང་འདུག美国对于在中国发生的侵犯宗教自由情况持续感到忧心，这包括在香港、西藏和新疆。详情请阅读2023年国际宗教自由报告#IRFReport2023 https://t.co/h544CuYWs0
— Ambassador Nicholas Burns (@USAmbChina) June 27, 2024
ད་དུང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྒྱ་ནག་དམར་ཤོག་ཚོགས་པའི་འགོ་ཁྲིད་ཚོས་ལོག་ཆོས་ལ་བརྟེན་ནས་ཁྲིམས་ལུགས་ལག་བསྟར་ལ་གཏོར་བརླག་གཏོང་གི་ཡོད་པར་ཁ་གཡར་ནས་ན་ནིང་ལོ་མཇུག་བར་དུ་མི་གྲངས་༢༧༧༢་འཛིན་བཟུང་བཙོན་འཇུག་བྱས་ཡོད་སྐོར་བཀོད་འདུག་ལ། བོད་ནང་རྒྱ་ནག་དམར་ཤོག་ཚོགས་པའི་སྒྲིག་གཞིའི་ནང་བླ་མ་དང་ཆོས་ལུགས་ཀྱི་བསྟི་གནས་ཁག ཚོགས་སྡེ་ཁག ལས་བྱེད། སློབ་གྲྭ་ཁག་བཅས་ཀྱི་ངོས་འཛིན་ཚུད་པའི་བོད་བརྒྱུད་ནང་བསྟན་གྱི་ཆ་ཤས་ཡོངས་རྫོགས་ལ་གཞུང་འབྲེལ་གྱི་དབང་སྒྱུར་བྱེད་དགོས་པའི་བཀའ་སོགས་གཏོང་གི་ཡོད་པ་ཡང་གསལ་སྟོན་གནང་གདུག
གསར་འགོད་པ། བསྟན་འཛིན་དཔལ་མོ།
རྩོམ་སྒྲིག་པ། བསྟན་འཛིན་བདེ་སྐྱིད།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག