ཨོ་ལིམ་པིཀསི་རྩེད་འགྲན་གྱི་སྒོ་འབྱེད་མཛད་སྒོར་བོད་མིའི་སྐུ་ཚབ་མཉམ་ཞུགས་གནང་འདུག
ཨོ་ལིམ་པིཀསི་རྩེད་འགྲན་གྱི་སྒོ་འབྱེད་མཛད་སྒོར་བོད་མིའི་སྐུ་ཚབ་མཉམ་ཞུགས་གནང་སྐབས། ༠༧།༢༦།༢༠༢༤
Bureau du Tibet, Brussels
དེ་ཡང་ཟླ་བ་འདིའི་ཕྱི་ཚེས་༢༦ཉིན་ཧྥ་རན་སིའི་རྒྱལ་ས་པེ་རེ་སིར་འཚོགས་པའི་ཕྱི་ལོ་༢༠༢༤ལོའི་དབྱར་དུས་ཀྱི་རྒྱལ་སྤྱིའི་ཨོ་ལིམ་པིཀསི་(Olympics)་རྩེད་འགྲན་ཆེན་མོའི་སྒོ་འབྱེད་མཛད་སྒོར་སྦེལ་ཇམ་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་དང་། པེ་རི་སིའི་འབྲེལ་མཐུད་པ་ཐུབ་བསྟན་ཚེ་རིང་ལགས། ཧྥ་རན་སིའི་བོད་རིགས་ཚོགས་པའི་ཚོགས་གཙོ་པདྨ་རིན་ཆེན་ལགས་དང་ཚོགས་ཟུར་བསྟན་འཛིན་སྤེན་པ་ལགས་བཅས་ལས་གྲུབ་པའི་བོད་མིའི་སྐུ་ཚབ་ཚོགས་ཆུང་ཞིག་མགྲོན་འབོད་གནང་བ་ལྟར་ཆེད་ཕེབས་མཉམ་ཞུགས་གནང་ཡོད་འདུག
འདིའི་ཐད་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་ཀྱིས་གསུངས་ན། ད་རེས་གོ་སྐབས་འདིར་བོད་ཀྱི་གནད་དོན་ཐད་བཀའ་འདྲི་གནང་མཁན་ཚོར་བོད་ཆས་དང་། བོད་ཀྱི་རྒྱལ་དར། བོད་དོན་ངོ་སྤྲོད་གནང་རྒྱུར་ཕན་ཐོགས་བྱུང་པ་དང་། སྒོ་འབྱེད་མཛད་སྒོའི་སྐབས་བོད་མིའི་སྐུ་ཚབ་རྣམས་ཀྱིས་ལག་ཏུ་བོད་ཀྱི་རྒྱལ་དར་བཟུང་སྟེ། བོད་དོན་དྲིལ་བསྒྲགས་དང་འབྲེལ་ལོ་རྒྱུས་རང་བཞིན་ལྡན་པའི་རྩེད་འགྲན་ཆེན་མོའི་དགའ་སྟོན་ལ་མཉམ་རོལ་ཞུས་ཡོད་པ་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།
ཧྥ་རན་སིར་མཚོན་ན་བོད་དོན་རྒྱབ་སྐྱོར་ཚོགས་པ་མང་ཤོས་ཡོད་པའི་རྒྱལ་ཁབ་ཅིག་ཡིན་པ་མ་ཟད། ད་ལྟའི་ཆར་བཙན་བྱོལ་བོད་མིའི་གྲངས་འབོར་མང་པོ་ཡོད་པའི་སྤྱི་ཚོགས་ཤིག་ཀྱང་ཡིན་པ་རེད།
ཧྥ་རན་སིའི་ནང་དབྱར་དུས་ཀྱི་རྒྱལ་སྤྱིའི་ཨོ་ལིམ་པིཀསི་རྩེད་འགྲན་འགོ་བཙུགས་ཡོད་པ་དང་། འཛམ་གླིང་གི་རྒྱལ་ཁབ་དང་ས་ཁུལ་༢༠༦གི་རྩེད་འགྲན་པ་མི་གྲངས་ཆིག་ཁྲི་ལྔ་བརྒྱ་རྩེད་རིགས་སྣ་ཚོགས་ཀྱི་འགྲན་རྩོད་ཁྲོད་ཞུགས་བཞིན་པ་དང་། ཕྱི་ཚེས་༢༩བར་རྩེད་འགྲན་ནང་གསེར་རྟགས་མ་མང་ཤོས་ཐོབ་མཁན་ཡུལ་གྲུ་ལྔ་ནི། ཨང་རིམ་དང་པོ་ཉི་ཧོང་ལ་གསེར་གྱི་རྟགས་མ་༤དང་དངུལ་གྱི་རྟགས་མ་༢ཟངས་ཀྱི་རྟགས་མ་གཅིག་ཁྱོན་རྟགས་མ་བདུན་དང་། ཨང་རིམ་གཉིས་བ་ལྷོ་ཀོ་རེ་ཡ་གསེར་གྱི་རྟགས་མ་༤དང་དངུལ་གྱི་རྟགས་མ་༢ཐོག་ཟངས་ཀྱི་རྟགས་མ་༡ཁྱོན་རྟགས་མ་བདུན་ཐོབ་འདུག ཨང་རིམ་གསུམ་པ་ཨོསི་ཊརེ་ལི་ཡ་(Australia)་ལ་གསེར་གྱི་རྟགས་མ་གསུམ་དང་དངུལ་གྱི་རྟགས་མ་༢་ཁྱོན་རྟགས་མ་དྲུག དེ་ནས་ཨང་རིམ་བཞི་ཨ་མི་རི་ཀར་གསེར་གྱི་རྟགས་༣་དང་དངུལ་གྱི་རྟགས་མ་༦། ཟངས་ཀྱི་རྟགས་༣ཁྱོན་རྟགས་མ་༡༢ཐོབ་འདུག དེ་ནས་ཨང་རིམ་ལྔ་བ་ཧྥ་རན་སི་ལ་གསེར་གྱི་རྟགས་མ་༣དང་དངུལ་གྱི་རྟགས་མ་༣། ཟངས་ཀྱི་རྟགས་མ་༢ཁྱོན་རྟགས་མ་བརྒྱད་ཐོབ་འདུག
གསར་འགོད་པ། ལྕགས་མོ་འཚོ།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག