བོད་པའི་བཙུན་མ་གསུམ་ལ་མི་ལོ་གསུམ་གྱི་བཙོན་འཇུག

༄༅༎ཟླ་བ་འདིའི་ཚེས་༢ཉིན་ཁམས་དཀར་མཛེས་རྫོང་འབྲིང་རིམ་མི་དམངས་ཁྲིམས་ཁང་ཟེར་བས་དཀར་མཛེས་དགེ་མ་བྲག་བཙུན་དགོན་གྱི་བཙུན་མ་གསུམ་ལ་མི་ལོ་གསུམ་གྱི་བཙོན་འཇུག་ཉེས་ཆད་བཏང་ཡོད་པའི་སྐོར་ལ་བོད་ཀྱི་དུས་བབ་དྲ་རྒྱའི་གསར་འགྱུར་ཐོག་གནས་ཚུལ་སྤེལ་བཞག

དེ་ཡང་དཀར་མཛེས་དགེ་མ་བྲག་བཙུན་དགོན་གྱི་བཙུན་མ་བྱམས་ལ་ཆོས་སྒྲོན་རང་ལོ་༣༡་དང༌། ཞེ་ལྷ་མོ་༢༡དབྱངས་ཅན་ནམ་མིང་གཞན་ལ་བཀྲ་ཤིས་ཚེ་མཚོར་ཞུ་བ་རང་ལོ་༢༨ ཡིན་པ་གསུམ་གྱིས་ཕྱི་ཟླ་དྲུག་པའི་ཚེས་༡༥ ཉིན་དཀར་མཛེས་ཁྲོམ་གཞུང་དུ་སྤྱིན་ནོར་༧གོང་ས་སྐྱབས་མགོན་ཆེན་པོ་མཅོག་སྐུ་ཚེ་བརྟན་པ་ཤོག་ཅེས་པའི་འབོད་ཚིག་སྒྲོག་ཏེ་རྒྱ་ནག་གཞུང་ལ་ངོ་རྒོལ་བྱས་པའི་སྐབས་རྒྱ་མིའི་ཉེན་རྟོག་པས་བཙོན་བཟུང་བྱས་ཡོད་པ་རེད།

འོན་ཀྱང་སྐབས་དེ་དུས་ཁོང་གསུམ་རྒྱ་མིའི་ཉེན་རྟོག་པས་འཛིན་བཟུང་བྱས་པ་ནས་བཟུང་ནང་མི་སུ་གཅིག་གིས་ཁོང་གསུམ་གར་པར་ཡོད་མེད་དང་གནས་སྟངས་ཇི་འདྲ་ཡོད་མེད་རྩ་བ་ནས་ཤེས་རྟོགས་བྱུང་མེད་པ་མ་ཟད༌། ཉེ་ཆར་ཁྲིམས་རྩོད་པ་དང་ནང་མི་སོགས་སུ་གཅིག་མེད་པར་གསང་བའི་ཐོག་ནས་ཉེས་ཆད་བཏང་ཡོད་ཅིང༌། དེ་ནི་ཉེ་ཆར་ཕྱི་ཟླ་བདུན་པའི་ཚེས་བདུན་ཉིན་ཁོང་གསུམ་ལ་མི་ལོ་གསུམ་གྱི་བཙོན་འཇུག་གི་ཉེས་ཆད་ཐག་གཅོད་བྱས་ཟིན་པའི་ཡི་གེ་ཞིག་ཁྱིམ་དུ་འབྱོར་བ་ནས་ཤེས་རྟོགས་བྱུང་བ་ཡིན་པ་རེད།