ཨ་མི་རི་ཀས་བོད་མིར་རོཊ་དངུལ་ཨ་སྒོར་ས་ཡ་གསུམ་ལྷག་གནང་བ།

ཨ་རིའི་གཞུང་གི་རོགས་རམ་ཐེབས་རྩ་ཁང་གིས་བོད་མིའི་སྤྱི་ཚོཊ་ལ་རོཊ་དངུལ་ཨ་སྒོར་ས་ཡ་གསུམ་དང་འབུམ་གཉིས་གནང་བར་ཐུགས་རྗེ་ཆེ་ཞུས་འདུག
དེ་ཡང་དབུས་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་དོན། ཕྱི་ཚེས་༢༡ཉིན་འཕྲོད་བསྟེན་བཀའ་བློན་ཚེ་རིང་དབང་ཕྱུག་ལགས་ཀྱི་མཚན་ཐོག་ནས་གསར་འགོད་གསལ་བསྒྲགས་ཤིག་སྤེལ་ཡོད་པའི་ནང་། སྲིད་སྐྱོང་མཆོག་གིས་དབུ་ཁྲིད་པའི་བོད་མིའི་སྒྲིག་འཛུགས་བཀའ་ཤག་སྐབས་བཅུ་བཞི་པའི་ཚབ་ཞུས་ཏེ་ཨ་རིའི་རོགས་རམ་ཐེབས་རྩ་ཁང་USAIDཡིས་བོད་མིའི་འཕྲོད་བསྟེན་ཡར་རྒྱས་གཏོང་རྒྱུའི་ལས་གཞིའི་ཆེད་རོགས་དངུལ་ཨ་སྒོར་ས་ཡ་གསུམ་དང་འབུམ་གཉིས་གནང་བར་སྙིང་ཐག་པ་ནས་བཀའ་དྲིན་ཆེ་ཞེས་ཞུ་རྒྱུ་མ་ཟད། དེ་སྔ་ཡང་རྒྱ་གར་ནང་ཡོད་པའི་ཨ་རིའི་ཐེབས་རྩ་ཁང་གིས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་བོད་མི་མནར་གཅོད་ཕོག་མཁན་རྣམས་ལ་ལྟ་རྟོག་གི་ཕྱི་ལོ་ཉིས་སྟོང་གཉིས་ནས་ཕྱི་ལོ་ཉིས་སྟོང་བཅུ་གསུམ་བར་གྱི་ལས་གཞིའི་ཆེད་རོགས་དངུལ་ཨ་སྒོར་འབུམ་བརྒྱད་མཐུན་འགྱུར་གནང་མྱོང་ཡོད་པ་དང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ལ་རོགས་རམ་འདི་རིགས་ཐོབ་པ་ནི་གཙོ་བོ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཐུགས་རྗེའི་བཀའ་དྲིན་ཉག་གཅིག་ལ་བརྟེན་ནས་བྱུང་བ་ཞིག་ཡིན་སྟབས་མགོན་པོ་གང་ཉིད་ལ་བཀའ་དྲིན་ཆེ་ཞེས་ཞུ་རྒྱུ་དང་། སྲིད་སྐྱོང་གིས་དབུས་པའི་བཀག་ཤག་ནས་ཀྱང་འབད་བརྩོན་བསྟུད་མར་གནང་བར་བཀའ་དྲིན་ཆེ་ཞེས་ཞུས་གནང་བའི་ཁར་རོགས་དངུལ་ཐོབ་ཐབས་སུ་ཨ་རིའི་གཞུང་གི་བོད་དོན་འབྲེལ་འཐུད་སྐུ་ཚབ་དང་། དེ་བཞིན་དེའི་ཐོག་ཕྱག་རོགས་གནང་མཁན་གྱི་ཨ་རིའི་དཔོན་རིགས། བོད་དོན་རྒྱབ་སྐྱོར་བ་རྣམས་ལ་ཡང་ཐུགས་རྗེ་ཆེ་ཞེས་ཞུས་གནང་འདུག་ལ་    ཨ་རི་སྐུ་ཚབ་དོན་གཅོད་དང་། བོད་ཀྱི་ཐེབས་རྩ་འཕྲོད་བསྟེན་ལས་ཁང་གི་ལས་བྱེད་བཅས་ཀྱིས་ཀྱང་ལས་དོན་དེའི་ཐོག་ཕྱར་གྲུ་མཉམ་འདེགས་ཀྱི་འབད་རྩོན་གནང་བར་ཐུགས་རྗེ་ཆེ་ཞུས་གནང་འདུག

གསར་འགོད་པ་འཆི་མེད།