མདོ་སྨད་སྤྱི་འཐུས་གསར་བ་བཀྲ་ཤིས་དོན་གྲུབ་ལ་ཐོབ་འདུག

བོད་མིའི་སྒྲིག་འཛུགས་འོས་བསྡུ་ལྷན་ཁང་གིས་མདོ་སྨད་སྤྱི་འཐུས་གསར་བ་མགོ་ལོག་གསེར་རྟའི་བཀྲ་ཤིས་དོན་གྲུབ་ལ་ཐོབ་པ་ཕྱི་བསྒྲགས་བྱས་འདུག
དེ་ཡང་ཚེས༢༤ཉིན་གངས་སྐྱིད་ལྷག་པ་ཚེ་རིང་ཚོགས་ཁང་དུ། བོད་མིའི་སྒྲིག་འཛུགས་འོས་བསྡུ་ལྷན་ཁང་གིས་མདོ་སྨད་སྤྱི་འཐུས་གཅིག་གི་བར་མའི་འོས་བསྡུའི་དངོས་གཞིའི་གྲུབ་འབྲས་སྐོར་ལ་གསར་འགོད་གསལ་བསྒྲགས་སྤེལ་བར། བལ་ཡུལ་གནས་བཞུགས་མགོ་ལོག་གསེར་རྟའི་བཀྲ་ཤིས་དོན་གྲུབ་ལགས་སུ་འོས་གྲངས་༥༨༦ཐོབ་སྟེ་བརྒྱ་ཆ་ ༥༧།༡༧ ཆགས་པ་མདོ་སྨད་སྤྱི་འཐུས་གསར་བའི་འོས་བསྡུ་རྒྱལ་ཁ་ཐོབ་པ་གསལ་བསྒྲགས་བྱས་ཡོད་པ་དང་། རིང་མིན་ཁོང་གིས་སྐབས་བཅོ་ལྔ་པའི་མདོ་སྨད་སྤྱི་འཐུས་གཅིག་གི་ལས་འཁུར་དམ་འབུལ་ཞུ་རྒྱུ་ཡིན་འདུག
གནས་ཚུལ་ཞིབ་ཕྲ་འདི་གའི་གསར་འགོད་པ་ཨྱོན་བསྟན་འཛིན་གྱིས་བཏང་བའི་གནས་ཚུལ་ལ་གསན་རོགས།