ཐའེ་ལྦན་གྱིས་མེ་ཤུགས་འཕུལ་མདེལ་བཟོ་བསྐྲུན།
2011.09.06
༄༅༎རྒྱ་ནག་སྐམ་ས་ཆེན་པོའི་མེ་ཤུགས་འཕུར་མདེལ་གྱིས་ཐའེ་ལྦན་ལ་གཏོར་རྒོལ་འབྱུང་ཚེ་ ཐའེ་ལྦན་གྱིས་རྒྱ་ནག་གི་མཁའ་དམག་རྟེན་གཞི་ཁག་ལ་ཕར་རྒོལ་བྱེད་ནུས་པའི་ཐའེ་ལྦན་རང་ཉིད་ཀྱི་མེ་ཤུགས་འཕུར་མདེལ་བཟོ་བསྐྲུན་བྱ་རྒྱུ་ཡིན་པ་ཐའེ་ལྦན་གྲོས་ཚོགས་ཀྱི་འཐུས་མི་ཞིག་གིས་གསུངས་འདུག།
གྲོས་ཚོགས་ཀྱི་འཐུས་མི་ ལིན་ ཡུ་ཕང་ནི་ ཐའེ་ལྦན་བདེ་སྲུང་གི་གནད་དོན་ཐོག་གི་མཁས་པ་ཞིག་ཏུ་ཡོངས་གྲགས་ངོས་འཛིན་བྱེད་བཞིན་ཡོད་པ་དང་ ཁོང་གིས་ ཐའེ་ལྦན་བདེ་སྲུང་ལྷན་ཁང་གིས་ལྦན་ཁྲན་ ཞེས་མིང་རྟགས་པའི་མེ་ཤུགས་འཕུར་མདེལ་བཟོ་བསྐྲུན་གྱི་ལས་གཞི་དེ་ཕྱི་ལོ་ ༢༠༡༤ ནས་ ༢༠༡༨ བར་སྤེལ་རྒྱུ་ཡིན་པ་དང་ དེ་ཡང་ཐའེ་ལྦན་རང་ཉིད་ཀྱིས་བཟོས་པའི་མཁའ་དམག་གནམ་གྲུས་སྟེགས་ཐུབ་པའི་མེ་ཤུགས་འཕུར་མདེལ་རིགས་བཟོ་བསྐྲུན་བྱེད་རྒྱུ་ཡིན་སྐོར་གསུངས་ཡོད་པ་རེད།
གལ་ཏེ་མེ་ཤུགས་འཕུར་མདེལ་བཟོ་བསྐྲུན་ལམ་ལྷོངས་འབྱུང་ཚེ་ ཐའེ་ལྦན་གྱི་མཁའ་དམག་གིས་རྒྱང་ཐག་རིང་པོའི་ས་ནས་རྒྱ་ནག་སྐམ་ས་ཆེན་པོའི་མཁའ་དམག་གི་རྟེན་གཞི་ཁག་དང་ མཚོ་ཁའི་གྲུ་གཟིངས་ཀྱི་རྟེན་གཞི་ཁག་ དེ་བཞིན་མེ་ཤུགས་འཕུར་མདེལ་རྟེན་གཞི་ཁག་ལ་གཏོར་རྒོལ་ཐུབ་པའི་ནུས་པ་དང་ལྡན་ཐུབ་རྒྱུ་ཡིན་པ་གསུངས་ཡོད་པ་རེད།
ཐའེ་ལྦན་གྲོས་ཚོགས་ཀྱི་འཐུས་མི་ ལིན་གྱིས་གསུངས་ན་ ལྦན་ཁྲན་མེ་ཤུགས་འཕུར་མདེལ་རེར་གཏོར་རྒོལ་གྱི་མཚོན་ཆ་བརྒྱ་ཙམ་ཐོགས་ཐུབ་རྒྱུ་ཡིན་པ་དང་ ཐའེ་ལྦན་གྱིས་བཟོ་རྒྱུའི་མེ་ཤུགས་འཕུར་མདེལ་དེས་རྒྱ་ནག་སྐམ་ས་ཆེན་པོའི་ལྷོ་ཤར་མཚོ་ཁའི་རྟེན་གཞི་ཁག་ལ་གཏོར་རྒོལ་ལས་སླ་པོར་བྱེད་ཐུབ་རྒྱུ་ཡིན་འདུག།
ཐའེ་ལྦན་གྱི་བདེ་སྲུང་གནད་དོན་ཉམས་ཞིབ་པ་ཚོས་ རྒྱ་ནག་གིས་ཐའེ་ལྦན་ཕྱོགས་སུ་དམིགས་ཏེ་མེ་ཤུགས་འཕུར་མདེལ་གྲངས་ ༡༦༠༠ ཙམ་བཞག་ཡོད་པ་དང་ ཐའེ་ལྦན་གྱིས་རང་ཉིད་ཀྱི་བདེ་སྲུང་དམག་སྟོབས་རྒྱ་སྐྱེད་གཏོང་རྒྱུར་ཨ་མི་རི་ཀར་ ཨ་རིས་བཟོས་པའི་ཨེཕ༡༦ (F16)རྟགས་ཅན་གྱི་མཁའ་དམག་དང་ མཚོ་འོག་གྲུ་གཟིངས་་ དེ་བཞིན་བྱ་རྒོད་ནག་པོའི་མིང་ཅན་གྱི་ཐད་འཕུར་གནམ་གྲུ་སོགས་ཚོང་བསྒྱུར་ཡོང་བའི་རེ་འདུན་ལོ་མང་རིང་བཏོན་ཡོད་ཀྱང་ ཨ་མི་རི་ཀ་དང་རྒྱ་ནག་གི་འབྲེལ་ལམ་འཕེལ་རིམ་གྱི་ཐོག་ནས་ད་བར་ཨ་མི་རི་ཀས་ཐའེ་ལྦན་གྱི་རེ་འདུན་ཁག་འགྲུབ་མེད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག