འབར་མའི་འོས་བསྡུའི་རྒྱལ་ཁ་ལྕམ་ཨང་སེན་སོའུ་སྐྱིད་ཐོབ་པ།

འབར་མའི་རྒྱལ་ཡོངས་འོས་བསྡུའི་རྒྱལ་ཁ་ལྕམ་ཨང་སེན་སོའུ་སྐྱིད་ཐོབ་པས་ཡུལ་དེའི་དམག་མིའི་དབང་ཤུགས་མཇུག་སྒྲིལ་ཡོང་རྒྱུའི་རེ་བ་བྱེད་བཞིན་པ།
དེ་ཡང་Myanmarའམ་འབར་མའི་ནང་རྒྱལ་ཡོངས་འོས་བསྡུ་ཆེན་མོའི་ཁྲོད་མང་གཙོ་ཚོགས་པའི་དབུ་ཁྲིད་ལྕམ་Aung San Suu Kyiལ་རྒྱལ་ཁ་ཐོབ་ཡོད་པ་དེས་ད་བར་གྱི་ཡུལ་དེའི་ནང་གི་དམག་མིའི་དབང་ཤུགས་མཇུག་སྒྲིལ་ཡོང་རྒྱུའི་རེ་བ་བྱེད་བཞིན་ཡོད་པ་རེད།
ཁ་ས་ཚེས༨རེས་གཟའ་ཉི་མའི་ཉིན་འབར་མའི་གྲོང་ཁྱེར་Yangonནང་ལོ་རྒྱུས་རང་བཞིན་ལྡན་པའི་འོས་བསྡུ་ཆེན་མོའི་མཇུག་འབྲས་གྲངས་བཤེར་བྱས་པ་བརྒྱུད། འབར་མའི་རྒྱལ་ཡོངས་མང་གཙོ་མནའ་མཐུན་ཚོགས་པའི་དབུ་ཁྲིད་ལྕམ་Aung San Suu Kyiལ་བརྒྱ་ཆ་བདུན་བཅུ་ཐོབ་ནས། ད་རེས་འབར་མའི་ནང་གི་འོས་བསྡུ་དེའི་ཐོག་མང་གཙོ་ཚོགས་པར་རྒྱལ་ཁ་ཐོབ་ཡོད་པ་རེད་ཅེས་མང་གཙོ་ཚོགས་པའི་མགྲིན་ཚབ་པ་སྐུ་ཞབས་Win Htein ཡིས་AFPགསར་འགོད་པར་གསལ་སྟོན་གནང་ཡོད་པ་རེད།
འབར་མའི་མང་གཙོ་ཚོགས་པར་གྲོས་ཚོགས་ནང་ཞབས་སྟེགས་བརྒྱ་ཆ་༦༧་ཐོབ་པ་ཡིན་ན་དེས་མང་མོས་ཚོགས་པ་ཆགས་ཀྱི་ཡོད་པ་རེད། ཡང་ཕྱོགས་གཞན་ཞིག་ནང་ད་རེས་འོས་བསྡུ་ཆེན་མོ་དེའི་ཁྲོད་ད་ལྟའི་འབར་མའི་གཞུང་འཛིན་ཚོགས་པར་བརྒྱ་ཆ་༢༥་ལས་ཐོབ་མེད་པ་དེས་འབར་མའི་མི་མང་གིས་མ་འོངས་པར་དམག་མིའི་དབང་ཤུགས་འོག་སྡོད་འདོད་མེད་པའི་རྣམ་པ་ཤུགས་ཆེ་ཞིག་ཐོན་ཐུབ་པ་བྱུང་ཡོད་པ་རེད།
འབར་མའི་གཞུང་འཛིན་ཆིག་སྒྲིལ་དང་འཕེལ་རྒྱས་ཚོགས་པས་གསུངས་ན། ད་རེས་ཀྱི་འོས་བསྡུ་ཆེན་མོ་དེ་བརྒྱུད་ནས་ཚོགས་པའི་དབུ་ཁྲིད་ཀྱི་ཞབས་སྟེགས་ལ་ཕམ་ཉེས་བྱུང་བར་བལྟས་ན་ཚོགས་པ་དེ་Yangonགྲོང་ཁྱེར་ནས་རིམ་བཞིན་ཕྱིར་འདོན་བྱེད་རྒྱུ་ཡིན་པ་གསུངས་ཡོད་པ་རེད།
འབར་མའི་གཞུང་འཛིན་ཚོགས་པས་འབོད་པའི་ཆིག་སྒྲིལ་དང་། ཡར་རྒྱས་ཞེས་པའི་ཆབ་སྲིད་ཚོགས་པ་དེའི་སྲིད་འཛིན་Thein Seinགཙོ་བོར་གྱུར་བའི་ཚོགས་པའི་ངོས་ནས་ད་རེས་ཀྱི་འོས་བསྡུའི་གྲུབ་འབྲས་ལ་བརྩི་བཀུར་ཞུ་རྒྱུ་ཡིན་ཞེས་ཀྱང་གསལ་སྟོན་གནང་ཡོད་པ་རེད།

གསར་འགོད་པ་དབྱངས་སྒྲོན།