༧གོང་ས་མཆོག་ལ་ཐོངས་མཆན་གནང་ཁག་པོ་ཡིན་པ།

Sri Lankaiའི་གཞུང་ཕྱོགས་ནས་༧ གོང་ས་མཆོག་ལ་ཐོངས་མཆན་འབུལ་རྒྱུའི་དགོངས་བཞེས་གནང་རྒྱུ་ཁག་པོ་ཡིན་པ་རེད།
དེ་ཡང་གནས་ཚུལ་ནང་གསལ་ལྟར་ན། སྔ་ལོ་ཕྱི་ཟླ་༣པའི་ནང་༧གོང་ས་མཆོག་གིས་རྒྱ་གར་གྱི་རྒྱལ་ས་ལྡི་ལིར་ཆོས་ལུགས་རིས་མེད་ཀྱི་བགྲོ་གླེང་ལྷན་ཚོགས་ཤིག་གནང་པའི་སྐབས་ལྷན་ཚོགས་ནང་མཉམ་ཞུགས་གནང་པའི་Sri Lankaའི་ཐེག་དམན་ཆོས་ལུགས་ཀྱི་Mahabodhi ཆོས་ཚོགས་ཀྱི་དབུ་བླ་Upatissaཡིས་དབུ་འཁྲིེད་པའི་དགེ་འདུན་པ་ཁག་གཅིག་དང་མཇལ་འཕྲད་གནང་ཡོད་ཅིང་། མཇལ་འཕྲད་དེའི་སྐབས་༧གོང་ས་མཆོག་གིས་གང་ཉིད་སྐུ་ན་ཆུང་དུས་ནས་Sri Lankaནང་གནས་མཇལ་དུ་ཕེབས་རྒྱུའི་ཐུགས་འདོད་ཡོད་པ་བཀའ་གནང་ཡོད་འདུག Sri Lankaའི་ནང་གཞུང་སྲིད་འཕོ་འགྱུར་སོང་བའི་རྗེས་སྲིད་འཛིན་གསར་པ་Maithripala Sirisenaམཆོག་གིས་རྒྱ་ནག་ལས་རྒྱ་གར་དང་འབྲེལ་ཐག་ཉེ་བའི་སྲིད་ཇུས་ཀྱི་བཞེངས་ཕྱོགས་ལ་བརྟེན་Mahabodhiཆོས་ཚོགས་ནས་༧གོང་ས་མཆོག་ལ་ཡུལ་དེའི་ནང་ཆིབས་བསྒྱུར་གསོལ་འདེབས་ཞུས་ཡོད་འདུག དེའི་ཐད་རེས་གཟའ་ཕུར་བུའི་ཉིན་རོ་ཨི་ཀྲར་གསར་ལས་ཁང་གིས། ༧ གོང་ས་མཆོག་Sri Lankaའི་ནང་ཆིབས་བསྒྱུར་བསྐྱངས་རྒྱུའི་ཐད་ལ་Sri Lankaའི་གཞུང་འབྲེལ་མི་སྣར་བཅར་འདྲི་བྱེད་སྐབས་མིང་འདོན་གནང་འདོད་མེད་པའི་Sri Lankaའི་ཕྱི་སྲིད་ལས་ཁུངས་ཀྱི་མཐོ་རིམ་མི་སྣ་ཞིག་གིས། Mahabodhiཆོས་ཚོགས་ནས་༧གོང་ས་མཆོག་ལ་ཆིབས་བསྒྱུར་གསོལ་འདེབས་ཞུ་རྒྱུའི་ཐོབ་ཐང་ཡོད་ཀྱང་། གཞུང་ཕྱོགས་ནས་འགྲིམ་འགྲུལ་གྱི་ཐོངས་མཆན་བཀའ་ཁྲོལ་གནང་རྒྱུ་ཁག་པོ་ཡིན་ལུགས་ལན་འདེབས་བྱས་འདུག གོང་གསལ་ཕྱི་སྲིད་ལས་ཁུངས་ཀྱི་མཐོ་རིམ་མི་སྣས་བརྗོད་ན། ཏཱ་ལའི་བླ་མ་མཆོག་རྩ་ཆེན་ཡིན་ཡང་དེ་ལས་Sri Lankaདང་རྒྱ་ནག་གཉིས་ཀྱི་འབྲེལ་བ་གལ་ཆེ་བ་ཡིན་པ་དང་། Sri Lankaའི་གཞུང་ཕྱོགས་ནས་རྒྱ་ནག་གཅིག་ཅེས་པའི་རྩ་དོན་གྱི་ལངས་ཕྱོགས་ལ་འགྱུར་བ་གང་ཡང་སོང་མེད་ཅེས་འགྲེལ་བརྗོད་བྱས་འདུག རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པ་Hua Chunyingགིས། Sri Lankaགཞུང་ནས་རྒྱ་ནག་གི་ལང་ཕྱོགས་ལ་བསམ་ཞིབ་དང་བརྩི་བཀུར་བྱས་པ་དེར་བསྔགས་བརྗོད་ཡོད་ལུགས་ཀྱང་འཁོད་འདུག

གསར་འགོད་པ་དོན་གྲུབ་རྣམ་རྒྱལ།