བོད་ནང་ཉི་འོད་གློག་བེད་སྤྱོད་གཏོང་མཁན་ཇེ་མང་དུ་འགྲོ་བ།

༄༅༎རྒྱ་ནག་གཞུང་འབྲེལ་ཤིན་ཧ་གསར་འགྱུར་བརྒྱུད་ལམ་ནས་ལྷ་སར་རྟེན་གཞི་བྱེད་པའི་ནུས་ཤུགས་ཉམས་ཞིབ་ལས་ཁུངས་ཀྱི་འབྲེལ་ཡོད་ཡང་ ཡུས་ཇིང་ནས་འགྲེལ་བརྗོད་བྱེད་པར་ལྟར་ན། བོད་ཀྱི་གྲོང་གསེབ་དང་ཞིང་འབྲོག་ས་ཁུལ་ཁྲི་གཅིག་ཙམ་གྱི་ནང་ཁྱིམ་དུ་ཉི་འོད་གློག་བེད་སྤྱོད་བྱེད་རྒྱུའི་མཐུན་འགྱུར་སྦྱོར་སྤྲོད་བྱས་ཡོད་པ་དང་། བོད་ཀྱི་ཞིང་འབྲོག་ས་ཁུལ་དང་། གྲོང་ཚོ་ཆུང་ཆུང་དེ་དག་གི་ནང་ད་བར་མེ་ཤིང་དང་། སྒོ་ཕྱུགས་སེམས་ཅན་གྱི་ལྕི་བ་སོགས་ཀྱི་བེད་སྤྱོད་བྱེད་ཀྱི་ཡོད་པ་དེས་འཕྲོད་བསྟེན་དང་། ཁོར་ཡུག་སོགས་ལ་གནོད་སྐྱོན་ཕོག་གི་ཡོད་པར་བརྟེན་ད་ཆ་ཉི་འོད་གློག་ཞུགས་བེད་སྤྱོད་བྱེད་པ་བརྒྱུད་་བོད་མི་ཚོའི་འཚོ་བ་སྐྱེལ་རྒྱུའི་གནས་སྟངས་ཡག་ཏུ་འགྲོ་རྒྱུ་མ་ཟད་ཁོར་ཡུག་ལའང་ཕན་ཐོག་ཆེན་པོ་ཡོང་རྒྱུ་ཡིན་འདུག ད་ལྟའི་ཆར་བོད་ཀྱི་ས་ཁུལ་ཁག་གི་ནང་། སྣུམ་དང་། རང་འབྱུང་གྷེ་སེ་བེད་སྤྱོད་བྱེད་མཁན་གྱི་བརྒྱ་ཆ་བཅུ་ནས་གསུམ་བཅུ་ཙམ་ལས་མེད་པའི་ལུང་འདྲེན་བྱེད་ཡོད་པ་རེད།