ལྷོ་ཨེ་ཤེ་ཡའི་རྒྱལ་ཁབ་དབར་མཛའ་འབྲེལ་གོང་འཕེལ་གཏང་རྒྱུ།

༄༅༎བལ་ཡུལ་གྱི་སྲིད་བློན་སྦ་སྦུ་རམ་བྭ་ཏ་རའེ་མཆོག་གིས་ལྷོ་ཨེ་ཤེ་ཡའི་མཉམ་འབྲེལ་མཐུན་ཚོགས་ཀྱི་ཚོགས་ཆེན་བཅུ་བདུན་པ་ཚགས་ཚུད་བྱུང་ཡོད་ལུགས་གསུངས་གནང་འདུག
སྲིད་བློན་མཆོག་རེས་གཟའ་ཉི་མའི་ཕྱི་དྲོ་མལ་རྡིལྦསི་ནང་ལྷོ་ཨེ་ཤེ་ཡའི་ཚོགས་ཆེན་ཐེངས་བཅུ་བདུན་པ་གྲུབ་རྗེས་ཕྱིར་ལོག་སྐབས་གནམ་ཐང་དུ་གསར་འགོད་པ་ཚོར་མཐུན་ཚོགས་ཀྱི་དབུ་ཁྲིད་རྣམ་པ་ཚོས་གནས་ཚུལ་མང་པོའི་ཐོག་ཕན་ཚུན་དགོངས་ཚུལ་གོ་ནོར་ཐེབས་པ་རྣམས་སེལ་ཐབས་གནང་རྒྱུ་དང་ཚོགས་ཞུགས་རྒྱལ་ཁབ་དབར་མཛའ་འབྲེལ་གོང་མཐོར་སྤེལ་རྒྱུར་གྲོས་མཐུན་བྱུང་ཡོད་སྐོར་གསུངས་གནང་འདུག  སླད་ཕྱིན་ཆད་ནས་ཚོགས་ཞུགས་རྒྱལ་ཁབ་དབར་ཚོང་འབྲེལ་གྱི་འབྲེལ་ལམ་རྒྱ་བསྐྱེད་ཆེད་རིང་མིང་ས་མཚོ་གནམ་གསུམ་གྱི་འབྲེལ་ལམ་ཟབ་ཏུ་གཏོང་རྒྱུར་ཐག་གཅོད་གནང་གནང་ཡོད་འདུག ལྷག་དོན་དུ་ཚོགས་ཞུགས་རྒྱལ་ཁབ་བརྒྱད་དབར་འཛུགས་བསྐྲུན་རྒྱ་བསྐྱེད་གཏོང་ཕྱོགས་ཐད་ཕྱོགས་ཚང་མས་སྣར་ལྷག་འཕྱར་གྲུ་མཉེམ་འདེགས་དགོས་གལ་གཟིགས་ཡོད་འདུག ཚོགས་ཆེན་གྱིས་ལྷོ་ཨེ་ཤེ་ཡའི་མཉམ་འབྲེལ་མཐུན་ཚོགས་ནང་ཁུལ་རང་དབང་ཅན་གྱི་ཚོང་འབྲེལ་ལག་ལེན་མིང་དོན་མཚུངས་པ་ཡོང་བའི་ཆེད་དུ་མཐུན་ཚོགས་ཀྱི་བློན་ཆེན་ལྷན་ཚོགས་ཚོར་ལམ་སྟོན་གནང་ཡོད་འདུག རང་དབང་ཅན་གྱི་ཚོང་འབྲེལ་དེ་རིགས་ནི་དཔལ་འབྱོར་གྱི་གནས་ཚད་སྐྱོབ་དང་རྒྱལ་ཁབ་ཆུང་བ་བལ་ཡུལ་ལྟ་བུར་ཁེ་ཕན་ཆེན་པོ་ཡོང་གི་རེད་སྲིད་བློན་སྦ་སྦུ་རམ་བྭ་ཏ་རའེ་མཆོག་གིས་གསུངས་གནང་འདུག།