རྒྱ་ནག་གི་སོ་ཉུལ་ཞིག་ར་ཤི་ཡར་བཀག་ཉར།

༄༅༎ལྐོག་རྔན་སྤྲད་པ་བརྒྱུད་ནས་ར་ཤི་ཡའི་མེ་ཤུཌ་འཕུར་མདེལ་བཟོ་རྩལ་རིག་གནས་ཞིབ་ཕྲ་ཐོབ་ཐབས་བྱེད་མཁན་རྒྱ་མིའི་སོ་མྱུལ་ཞིག་ར་ཤི་ཡའི་བདེ་སྲུང་མི་སྣས་དེ་རིང་བཀག་ཉར་བྱས་སྐོར་བརྗོད་འདུག་ རྒྱ་ནག་གི་མི་སེར་ཡིན་པ་ཏུན་ཧྲེ་ནི་ཡན་ཡིས་ར་ཤི་ཡའི་ནང་གཞུང་འབྲེལ་སྐུ་ཚབ་འཐུས་མིའི་སྐད་བསྒྱུར་ཀྱི་ལས་ཀ་བྱེད་ཁུལ་ལ་རྫུས་ནས་མཁའ་དམག་གནམ་གྲུ་གཏོར་རྒོལ་གཏོང་མཁན་མེ་ཤུཌ་འཕུར་མདེལ་ར་ཤི་ཡའི་ཚོར་རྣོར་ཆེ་བའི་གོ་མཚོན་སྐོར་ཀྱི་གནས་ཚུལ་ཞིབ་ཕྲ་ལྐོག་རྔན་སྤྲད་ནས་ཉོ་ཐབས་བྱེད་ཀྱི་ཡོད་སྐོར་ཁ་ས་ར་ཤི་ཡའི་གཞུང་འབྲེལ་RIA ཞེས་པའི་གསར་ལས་ཁང་གིས་གནས་ཚུལ་སྤེལ་འདུག་ རྒྱ་མི་ཏུན་ཧྲེ་ནི་ཡན་ཟེར་བ་དེ་སྔ་ལོའི་ཕྱི་ཟླ་༡༠་ཚེས་༢༨་ཉིན་ར་ཤི་ཡའི་རྒྱལ་ས་མོས་ཀོའི་ནང་ནས་འཛིན་བཟུང་བྱས་ཀྱང་ ད་བར་གསར་འགྱུར་བརྒྱུད་ལམ་ཁག་ནས་དེའི་སྐོར་གསང་བ་བྱས་ནས་བཞག་ཡོད་འདུག་  གོང་ཞུས་རྒྱ་མི་དེས་གཙོ་བོ་དེ་སྔོན་ཨུ་རུ་སུའི་སྐབས་ཀྱི་ས་ནས་གནམ་ཐོག་ལ་འཕེན་རྒྱུའི་མེ་ཤུཌ་འཕུར་མདེལ་རྟགས་ཅན་༣༠༠་ཞེས་པ་དེའི་བཟོ་རྩལ་རིག་གནས་དང་དེ་བཟོ་བཅོས་རྒྱབ་སྟངས་ཁག་ཤེས་ཐབས་བྱས་པའི་ནག་ཉེས་བཙུཌ་འདུག་ལ་ ཡང་ར་ཤི་ཡའི་དབུས་གསང་བའི་ལས་ཁུངས་ཀྱིས་རྒྱ་ནག་གཞུང་གི་སྲུང་སྐྱོབ་ལས་ཁང་གི་བཀོད་བྱུས་འོག་རྒྱ་མི་ཏུན་ཧྲེ་ནི་ཡན་ཡི་གོང་ཞུས་ལས་དོན་སྤེལ་བ་ཡིན་ལུཌ་ཀྱང་བརྗོད་འདུག རྒྱ་ནག་གཞུང་གི་དཔོན་རིགས་ཚོས་རྒྱ་མིའི་སོ་མྱུལ་དེ་འཛིན་བཟུང་བཀག་ཉར་བྱས་པ་དེའི་སྐོར་འཕྲལ་དུ་ཡ་ལན་གང་ཡང་སློག་མིན་འདུག ར་ཤི་ཡའི་མེ་ཤུཌ་འཕུར་མདེལ་རྟགས་ཅན་༣༠༠ཞེས་པ་དེ་རྒྱ་ནག་ལ་མཁོ་སྤྲོད་བྱེད་བཞིན་པ་མ་ཟད་ འཕུར་མདེལ་དེ་རིགས་རྒྱ་ནག་ནང་བཟོ་ཆོག་པའི་ལག་ཁྱེར་ཡང་ཡོད་པ་རེད་ ར་ཤི་ཡ་རང་ཉིད་ཀྱིས་མེ་ཤུཌ་འཕུར་མདེལ་གསར་པ་རྟགས་ཅན་༤༠༠་ཞེས་བཟོ་བསྐྲུན་བྱེད་ཀྱི་ཡོད་པའི་གནས་ཚུལ་འདུག༎