ཡ་ཆེན་སྒར་རུ་གཏོར་བཤིག་དང་དམ་དྲག

འདི་ག་རླུང་ཕྲིན་ཁང་དུ་དཔལ་ཡུལ་རྫོང་ཡ་ཆེན་དགོན་པ་བདག་གཉེར་ཁང་གིས་བཏང་བའི་བརྡ་ཐོ་ཞིག་འབྱོར་བའི་ནང་འཁོད་དོན། ཡིད་དུ་འོང་ཞིང་འཆམ་མཐུན་གྱི་ཡ་ཆེན་འཛུགས་སྐྲུན་བྱེད་རྒྱུ་ནི་ང་ཚོ་ཐུན་མོང་གི་རེ་འདུན་དང་  དེར་བརྟེན་གནས་སྐབས་ཕུབ་པའི་སྦྲ་གུར་གྱིས་ཡ་ཆེན་དགོན་ཚད་དང་མཐུན་པའི་བདག་སྐྱོང་ལ་གནོད་པ་ཆེན་པོ་བྱས་འདུག་པས།  ང་ཚོ་ཐུན་མོང་གི་ཁྱིམ་གཞིས་ཀྱི་ཆེད་དུ་ཕྱི་ཟླ་བཞི་པའི་ཚེས་༡༠གོང་རང་ཉིད་གིས་སྦྲ་གུར་རྣམས་བཤིག་དགོས་པ་དང་།  གལ་ཏེ་ལག་བསྟར་མ་བྱས་ཚེ་བདག་གཉེར་ལས་ཁང་གིས་ཡ་ཆེན་དགོན་བདག་རྣམས་དང་ལྷན་དུ་ཁྲིམས་ལྟར་སྦྲ་གུར་མེད་པ་བཟོ་རྒྱུ་ཡིན་ལུགས་བཀོད་འདུག   བོད་ནང་གི་བོད་མི་ཞིག་གིས་འདི་ག་རླུང་འཕྲིན་ཁང་དུ་གནས་ཚུལ་འགྲེལ་བརྗོད་རྒྱ་ནག་གཞུང་གིས་སེར་རྟ་བླ་རུང་ཆོས་སྒར་དུ་གྲྭ་བཤག་གཏོར་བཤིག་གཏོང་བཞིན་པ་མ་ཟད།  ད་ཆ་རྒྱ་ནག་གཞུང་གི་བཙན་གནོན་འོག་ཡ་ཆེན་ཆོས་སྒར་དུ་ཡང་དཀའ་ངལ་མང་པོ་ཞིག་འཕྲད་བཞིན་ཡོད་པ་དང་།  དཔེར་ན་དད་ལྡན་མང་ཚོགས་ཁག་ཅིག་ཡ་ཆེན་དགོན་དུ་ཆོས་མཇལ་དང་སྦྲགས་ལོ་གཅིག་དང་ཟླ་བ་དྲུག་ཙམ་སོ་སོར་སྦྲ་གུར་རྒྱབ་ནས་ཆོས་འཇལ་དང་བསྐོར་བ་བསོག་པ་སོགས་བྱེད་སྲོལ་ཡོད་པ་དང་། ཡིན་ནའང༌གཞུང་ཕྱོགས་ནས་ཆོས་དད་པ་དེ་ཚོ་སྡོད་སའི་སྦྲ་གུར་༢༠༠ལྷག་ཙམ་གཏོར་བཤིག་བཏང་ནས་ཁོང་ཚོ་དགོན་པའི་ནང་འདོད་མི་ཆོག་པ་བརྗོད་ནས་ཕྱིར་འབུད་བཏང་ཡོད་པ་དང་།  མི་མང་པོས་ཡ་ཆེན་དགོན་དུ་འགུལ་སྐྱོད་ཆེན་པོ་ཞིག་ཡོང་རྒྱུ་ཡིན་པ་བརྗོད་ནས་དགོན་པའི་དགེ་བཙུན་དང་ས་གནས་མི་མང་ཚོས་སེམས་ཚབ་ཆེན་པོ་བྱེད་བཞིན་ཡོད་པའི་སྐོར་འགྲེལ་བརྗོད་གནང་འདུག    
གསར་འགོད་པ་འཆི་མེད་དང་ཀུན་བཟང་བསྟན་འཛིན།