བོད་དོན་ཞི་བའི་གོམ་བགྲོད་ལས་འགུལ་བ་གཉིས་ཁེ་ཎ་ཌའི་རྒྱལ་ས་ཨོ་ཏྲ་ཝ་ཁུལ་དུ་འབྱོར་འདུག
ཁེ་ཎ་ཌའི་ནང་གཞོན་སྐྱེས་གཉིས་ཀྱིས་བོད་དོན་ཆེད་ཞི་བའི་གོམ་བགྲོད་གནང་སྐབས། ༠༦།༡༦།༢༠༢༢
མཐུན་འགྱུར་པར་རིས།
ཁེ་ཎ་ཌའི་ནང་གནས་བཞུགས་བོད་དོན་ལས་འགུལ་བ་སངས་རྒྱས་སྐྱབས་ལགས་དང་ཨ་རིའི་མེ་ནེ་སོ་ཌར་གནས་བཞུགས་བོད་དོན་ལས་འགུལ་བ་རབ་དགའ་ལགས་གཉིས་ཀྱིས་ཁེ་ཎ་ཌའི་གྲོང་ཁྱེར་ཀྲོ་རོན་ཀྲོ་(St. George)་རུ་ཡོད་པའི་རྒྱ་ནག་གཞུང་གི་ཚོང་འབྲེལ་དོན་གཅོད་ལས་ཁུངས་མདུན་ནས་རྒྱལ་ས་ཨོ་ཏྲ་ཝ་བར་ཞི་བའི་གོམ་བགྲོད་གནང་ནས། འདི་ཟླའི་ཚེས་༢༠ཉིན་ཁེ་ཎ་ཌའི་རྒྱལ་ས་ཨོ་ཏྲ་ཝ་ཁུལ་དུ་བདེ་འབྱོར་བྱུང་ཡོད་པ་བོད་དོན་ལས་འགུལ་བ་སངས་རྒྱས་སྐྱབས་ལགས་ཀྱིས་ཞལ་པར་བརྒྱུད་ཨེ་ཤེ་ཡ་རང་དབང་རླུང་འཕྲིན་ཁང་གི་བཅར་འདྲིར་ངོ་སྤྲོད་གནང་བྱུང་།
ཁོང་གཉིས་ཀྱིས་ཉིན་གྲངས་བཅུ་ལྷག་ཙམ་ཞིག་གི་རིང་ཁེ་ཎ་ཌའི་ནང་བོད་དོན་ཞི་བའི་གོམ་བགྲོད་གནང་ནས་ས་གནས་ཁག་དུ་བོད་དོན་ཐོག་རྒྱབ་སྐྱོར་དགོས་པའི་ཡིག་ཆ་ཡུལ་མི་ཚོར་བཀྲམ་པ་དང་། ཚོགས་སྡེ་དང་ཁྱིམ་ཚང་ཁག་གི་ཡིག་སྒམ་ནང་དུ་བླུགས་ནས་ད་ལྟའི་བོད་ནང་གི་ཛ་དྲག་གི་གནས་སྟངས་དང་། ད་བར་བོད་ནང་དུ་བོད་མི་མང་པོས་རང་ལུས་མེ་སྲེག་བཏང་བའི་གནས་སྟངས། ཁོང་རྣམ་པ་གཉིས་ཀྱི་བོད་དོན་ཆེད་དགོས་འདུན་དོན་ཚན་ཁག་ལྔ་དང་འབྲེལ་བའི་ཐོག་ངོ་སྤྲོད་དང་རྒྱབ་སྐྱོར་དགོས་པ་སོགས་ཀྱི་གོ་རྟོགས་སྤེལ་ཡོད་པ་དང་། དེར་ཨོན་ཏྲེ་རི་ཡོ་མངའ་སྡེའི་ཁུལ་དུ་གནད་སྡོད་བོད་མིའི་ཚོགས་སྐྱིད་དང་སྒེར་བཅས་ཀྱིས་རྒྱབ་སྐྱོར་ཡག་པོ་གནང་བ་གསུངས་བྱུང་།
ཁོང་རྣམ་པ་གཉིས་ཀྱིས་གོམ་བགྲོད་ལས་འགུལ་དང་འབྲེལ་བོད་དོན་ཆེད་དགོས་འདུན་དོན་ཚན་ལྔ་བཏོན་བཞིན་པ་ནི། ༧གོང་ས་མཆོག་བོད་ནང་ཆིབས་བསྒྱུར་གནང་ཐུབ་ཐབས་དང་། བོད་རྒྱའི་དཀའ་རྙོག་གྲོས་མོལ་གྱི་ལམ་ནས་སེལ་དགོས་བ། པཎ་ཆེན་དགེ་འདུན་ཆོས་ཀྱི་ཉི་མ་མཆོག་གཙོས་བོད་ནང་གི་ཆབ་སྲིད་བཙོན་པ་རྣམས་གློད་བཀྲོལ་དགོས་པ། རྒྱ་ནག་གཞུང་གིས་བོད་དབང་བསྒྱུར་དམ་དྲག་གི་སྲིད་ཇུས་མཚམས་འཇོག་དགོས་བ་དང་། ཁེ་ཎ་ཌའི་གཞུང་གིས་རྒྱ་ནག་གི་བྱ་སྤྱོད་དེ་དག་མཚམས་འཇོག་ཡོང་ཐབས་ལ་རྒྱབ་སྐྱོར་དགོས་པ་བཅས་ཡིན་པ་རེད།
གསར་འགོད་པ། ཨྱོན།
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག