ངག་དབང་རབ་རྒྱལ་ལགས་ཁྲིམས་ཞིབ་པ་གཞན་གཅིག་ཏུ་འདེམས་ཐོན་བྱུང་བ།

༄༅།།བཙན་བྱོལ་བོད་མིའི་གྲོས་ཚོགས་ཀྱིས་ད་ལྟའི་ཤེས་རིག་ལས་ཁུངས་ཀྱི་དྲུང་ཆེའི་ཐུགས་འཁུར་བཞེས་བཞིན་པའི་ངག་དབང་རབ་རྒྱལ་ལགས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པར་བདམས་ཐོན་བྱུང་འདུག དེ་ཡང་དབུས་བོད་མིའི་སྒྲིགས་འཛུགས་ཀྱི་ཁྲིམས་ཞིབ་པའི་འོས་མི་གསུམ་མཚན་འདོན་གྱིས་ཕུལ་བ་གཞིར་བཟུང་ཕྱི་ཚེས་༢༦ཉིན་སྐབས་༡༦་པའི་བོད་མི་མང་སྤྱི་འཐུས་ཀྱི་ཚོགས་ཐེངས་གཉིས་པའི་ཉིན་དྲུག་པར་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཁྲིམས་ཞིབ་ཁང་གི་ཁྲིམས་ཞིབ་པ་འོས་མིར་དྲིལ་བསྒྲགས་དྲུང་ཆེ་སྣང་ས་ཆོས་སྒྲོན་ལགས་དང་ཤེས་རིག་དྲུང་ཆེ་ངག་དབང་རབ་རྒྱལ་ལགས་གཉིས་གསལ་བསྒྲགས་གནང་བར་ལྟར་གྲོས་ཚོགས་ནང་འོས་ཤོག་འཕེན་པའི་གྲུབ་འབྲས་སུ་སྣང་ས་ཆོས་སྒྲོན་ལགས་སུ་འོས་ཤོག་༡༨དང་ངག་དབང་རབ་རྒྱལ་ལགས་སུ་འོས་ཤོག་༢༤ཐོབ་སྟེ་ཤེས་རིག་དྲུང་ཆེ་ངག་དབར་རབ་རྒྱལ་ལགས་དབུས་བོད་མིའི་ཁྲིམས་ཞིབ་པར་བདམས་ཐོན་བྱུང་འདུག ངག་དབང་རབ་རྒྱས་ལགས་ཀྱིས་འདས་པའི་ཐུགས་འགན་གཙོ་བོ་ཕྱི་འབྲེལ་གནང་ཡིན་ཅིང་ དེའི་ཁུངས་སུ་ར་ཤི་ཡའི་སྐུ་ཚབ་དོན་གཅོད་ལས་ཡུན་ཐེངས་གཉིས་དང་ཨ་མེ་རི་ཀའི་སྐུ་ཚབ་དོན་གཅོད་ལས་ཡུན་གཅིག་གནང་ཡོད། ཕྱི་ལོ་༢༠༡༥ལོ་བཟུང་ཤེས་རིག་ལས་ཁུངས་ཀྱི་ཤེས་ཡོན་དྲུང་སྤྱིའི་བསྐོ་བཞག་གནང་འདུག དབུས་བོད་མིའི་སྒྲིག་འཛུགས་ཀྱི་ཁྲིམས་ཞིབ་པའི་ས་སྟོང་དེ་ཁྲིམས་ཞིབ་པ་ཚེ་རིང་དོན་གྲུབ་ལགས་ཀྱིས་ཕྱི་ལོ་༢༠༡༠ནས་བཟུང་ཁྲིམས་ཞིབ་པའི་ཐུགས་ཁུར་བཞེས་ཡོད་ཅིང་། ཁོང་གིས་བགྲེས་ཡོལ་དེ་ལོ་གཅིག་སྔ་སྣུར་གནང་ནས་ལོ་འདིའི་ཕྱི་ཟླ་བཅུ་གཅིག་པའི་ཚེས་༡ནས་དངོས་སུ་བགྲེས་ཡོལ་དུ་ཕེབས་པའི་རྗེས་སུ་ངག་དབང་རབ་རྒྱས་ལགས་ཀྱིས་ཁྲིམས་ཞིབ་པའི་ཐུགས་འགན་གྱི་བཞེས་ཀྱི་ཡོད་པ་རེད་འདུག།
གསར་འགོད་པ་ཀརྨ་རྡོ་རྗེ།