ནོར་ལྦེའི་གཞུང་མང་ལ་བལ་ཡུལ་ནས་ཐུགས་གསོ་ཞུས།

༄༅༎བལ་ཡུལ་གཞུང་གིས་ནོར་ལྦེ་ཡི་མཚོ་གླིང་ཞིག་ནང་མི་གསོད་ཁྲག་སྦྱོར་གྱི་རྐྱེན་ངན་བྱུང་བ་དེར་བློ་འཚབ་ངང་ཡུལ་དེའི་གཞུང་ལ་ཐུགས་གསོ་ཞུས་ཡོད་པའི་གནས་ཚུལ་ཐོན་འདུག

རེས་གཟའ་སྤེན་པའི་ཉིན་བལ་ཡུལ་གྱི་སྲིད་འཛིན་རམ་བ་རན་ཡ་རྡལྦ་མཆོག་གིས་ནོར་ལྦེ་ཡི་རྒྱལ་པོ་ཧེ་རལ་ཌེ་ལ་ཐུགས་གསོའི་ཕྱག་བྲིས་ཤིག་ཕུལ་བའི་ནང་ཨོ་སི་ལོ་ནང་འབར་རྫས་གས་གཏོར་གྱི་དོན་རྐྱེན་དང་དེ་བཞིན་ཨོ་ཀྲེ་ཨི་ཡ་མཚོ་གླིང་ནང་ན་གཞོན་མང་པོ་གང་བྱུང་མེ་བདའི་འོག་རྐྱེན་ལམ་དུ་བཏ་ངབ་དེར་བློ་ཕམ་ཆེན་པོའི་དྲག་ལས་དེར་སྐྱོན་བརྗོད་དང་སྦྲགས་ཕྲན་གྱིས་བལ་ཡུལ་གཞུང་དམངས་གཉིས་ཀྱི་ངོ་ཚབ་ཞུས་ནས་ནོར་ལྦེ་གཞུང་དམངས་དང་ལྷག་པར་དུ་རྐྱེན་ངན་ནང་ཚུད་པི་ནང་མི་རྗེས་བཤུལ་རྣམས་ལ་ཐུགས་གསོ་ཞུ་ཡི་ཡོད་ཅེས་འཁོད་ཡོད་འདུག ཕྱོགས་མཚུངས་སྲིད་བློན་ཇ་ལ་ནཐ་ཁ་ནལ་མཆོག་གིས་ཀྱང་ནོར་ལྦེ་ཡི་སྲིད་བློན་ཡེན་སི་སི་ཀྲོལ་ཀྲེན་སྦག་མཆོག་ལ་ཐུགས་གསོའི་ཕྱག་བྲིས་ཤིག་ཕུལ་ཡོད་འདུག གོང་ཞུས་རྐྱེན་ངན་གཉིས་ནང་ཡུལ་༩༢ཀྱི་ཚེ་སྲགོ་ཤོར་ཡོད་རེད།