བལ་ཡུལ་ཕྱོགས་འགལ་ཚོགས་པས་རང་སྐྱོང་ས་ཁུལ་གསལ་བསྒྲཌ།

༄༅༎བལ་ཡུལ་ནང་ཕྱོགས་འགལ་དམར་ཤོག་ཆིག་སྒྲིལ་ཚོགས་པས་ཉིན་གཉིས་གོང་ཤར་ཕྱོགས་ཀྱིས་མངའ་སྡེ་ཀོ་ཆི་ལ་དང་ལིམ་བུ་ལྦན་གཉིས་རང་སྐྱོང་ལྗོངས་ས་ཁུལ་དུ་གསལ་བསྒྲགས་བྱས་པ་དེར་བློ་འཚབ་ཆེན་པོ་ཡོད་མིན་ལ་ལྟོས་མེད་ཀྱིས་ད་དུང་མངའ་སྡེ་བཅུ་གཅིག་རང་སྐྱོང་ལྗོངས་བཟོ་རྒྱུའི་གྲ་སྒྲིག་བྱེད་ཀྱི་ཡོད་པའི་གནས་ཚུལ་ཐོན་འདུག

ནེ་པལ་ནིའུསེ་ཞེས་པས་གནས་ཚུལ་སྤེལ་དོན་ལྟར་ན་མའོ་གྱེན་ལོག་ཤོག་ཁག་གིས་བལ་ཡུལ་ནུབ་ཕྱོགས་ཏེ་རའེ་ཁུལ་རྫོང་ཁག་ལྔ་ཐ་རུ་ལྦན་རང་སྐྱོང་ལྗོངས་ས་ཁུལ་དུ་བསྒྱུར་རྒྱུའི་གསལ་བསྒྲགས་བྱས་པ་དང་སྦྲགས་ཐ་རུ་གྲངས་ཉུང་མི་རིགས་ལས་གྲུབ་པའི་རང་སྐྱོང་ལྗོངས་གསར་འཛུགས་ཀྱི་མཛད་སྒོ་ཞིག་ནུབ་ཕྱོགས་ཀྱི་སྦེང་ཀེ་རྫོང་ཁུལ་གྱི་ནེ་པལ་གན་ཇི་ཞེས་པར་གནང་རྒྱུ་ཡིན་འདུག དེ་མ་ཟད་ནུབ་ཕྱོགས་རི་རྒྱུད་ཀྱི་རྡོ་ཏི་རྫོང་ཁུལ་རྡི་པ་ཡལ་ས་ཁུལ་རྣམས་སེཏི་མ་ཧ་ཀ་ལི་རང་སྐྱོང་ས་ཁུལ་དུ་བཟོ་རྒྱུའི་གསལ་བསྒྲགས་ཀྱང་བྱས་བཞག རེས་གཟའ་སྤེན་པའི་ཉིན་སྲིད་བློན་མ་རྡལྦ་ཀུ་མའར་ནེ་པལ་མཆོག་གིས་ཕྱོགས་འགལ་དམར་ཤོག་ཆིག་སྒྲིལ་ཚོགས་པར་ལས་འགུལ་འདི་རིགས་མཚམས་འཇོག་གིས་རྒྱལ་ཁབ་ཀྱི་རྩ་ཁྲིམས་གསར་སྒྲིག་གི་ལས་དོན་ནང་མཉམ་ཞུགས་བྱེད་དགོས་པའི་འབོད་བསྐུལ་ཞུས་གནང་བ་དང་སྦྲགས་ལས་འགུལ་འདི་རིགས་ནི་རྒྱལ་ཁབ་ཀྱི་ཆབ་སྲིད་བརྟན་ལྷིངས་ལ་གནོད་ཀྱི་རེད་ཅེས་གསུངས་གནང་འདུག བདུན་ཕྲག་སྔོན་མ་ཕྱོགས་འགལ་མའོ་ཆིག་སྒྲིལ་ཚོགས་པས་བལ་ཡུལ་གྱི་ས་ཁུལ་བཅུ་གསུམ་ཕྱི་ཟླ་བཅུ་གཉིས་པའི་ཚེས་བཅུ་གཅིག་ནས་བཅོ་བརྒྱད་བར་ཆར་མ་བྱེད་རྒྱུར་རང་སྐྱོང་ལྗོངས་བཟོ་རྒྱུའི་དེ་འཆར་གཞི་དངོས་སུ་ལག་བསྟར་བྱེད་རྒྱུར་ཐག་གཅོད་བྱས་ཡོད་འདུག།