བལ་ཡུལ་ཉེན་རྟོག་པས་ཆུ་བཞི་སྒང་དྲུག་གི་འོས་སྒམ་བཙན་འཕྲོག

༄༅༎དེ་རིང་རེས་གཟའ་ཉི་མའི་ཉིན་བལ་ཡུལ་ནང་མདོ་སྟོད་མི་མང་གིས་ཆུ་བཞི་སྒང་དྲུག་ཚོགས་པའི་དབུས་རྒྱུན་ལས་རྣམས་འོས་འདེམས་བྱེད་བཞིན་པའི་སྐབས་ བལ་ཡུལ་གྱི་ཉེན་རྟོག་པས་གློ་བུར་དུ་འོས་སྒམ་རྣམས་བཙན་འཕྲོག་བྱས་ཡོད་པའི་སྐོར་བོད་ཀྱི་བང་ཆེན་གྱིས་གནས་ཚུལ་སྤེལ་འདུག བོད་མིའི་བཙན་བྱོལ་སྤྱི་ཚོགས་ཀྱི་ས་གནས་གང་སར་མདོ་སྟོད་མི་མང་ཚོས་ཉིན་བརྒྱ་དུས་གཅིག་ལ་ཆུ་བཞི་སྒང་དྲུག་ཚོགས་པའི་དབུས་རྒྱུན་ལས་སྐབས་བཅུ་དགུ་པ་མང་གཙོའི་ལམ་སྲོལ་ལྟར་འོས་འདེམས་བྱེད་བཞིན་པའི་སྐབས་ བལ་ཡུལ་གྱི་རྒྱལ་སའི་ཀཐ་མན་གྲུའི་ཉེ་འཁོར་བོད་མི་འདུས་སྡོད་བྱེད་ཡུལ་མཆོད་རྟེན་ཁུལ་དང་ ཧྭོར་བྭ་ཏན་ཇྭོ་ལ་ཁེལ་ས་གནས་བཅས་སུ་གློ་བུར་ས་གནས་གྱི་ཉེན་རྟོག་པ་ཡོང་ནས་འོས་སྒམ་རྣམ་བཙན་འཕྲོག་བྱས་ཡོད་འདུག དེའི་གོང་ལ་འདི་ལོ་ཕྱི་ཟླ་བཅུ་པའི་ནང་བཙན་བྱོལ་བོད་མིའི་བཀའ་བློན་ཁྲི་པ་དང་ སྤྱི་འཐུས་གཉིས་ཀྱི་སྔོན་འགྲོའི་འོས་བསྡུའི་སྐབས་སུ་ཡང་བལ་ཡུལ་གྱི་ས་གནས་ཁག་ཅིག་ནས།་གཞུང་གི་ཉེན་རྟོག་པཔ་འོས་སྒམ་བཙན་འཕྲོག་གིས་གཞུང་བཞེས་བཏང་བ་རེད༎