རྒྱལ་ཡུལ་ཆེན་མོའི་རྐང་རྩེད་སྤོ་ལོའི་འགྲན་བསྡུར་གྱི་གྲུབ་འབྲས།

༄༅༎ཕྱི་ལོ་ཉིས་སྟོང་དགུ་ལོའི་རྒྱལ་ཡུམ་ཆེན་མོའི་རྐང་རྩེད་སྤོ་ལོའི་འགྲན་བསྡུར་མཐའ་མ་དེ་རྒྱ་གར་ལྷོ་ཕྱོགས་ཀྱི་བོད་པའི་གཞིས་ཆགས་ཀྱི་པོ་ཏཱ་ལ་རྐང་རྩེད་སྤོ་ལོའི་རུ་ཁག་དང་རྒྱ་གར་ལྷོ་ཤར་གྱི་ཅེ་ནའེ་ནས་ཕེབས་པའི་མ་རྡ་ར་སེ་བོད་པའི་སློབ་ཕྲུག་མཐུན་ཚོགས་ཀྱི་རྐང་རྩེད་སྤོ་ལོའི་རུ་ཁག་གཉིས་པོས་ཕྱི་ཟླ་དྲུག་པའི་ཚེས་དགུ་ཉིན་ཐོབ་ཤོར་གྱི་འགྲན་བསྡུར་སྐབས་མོན་གོ་ཌེ་པོ་ཏཱ་ལ་རུ་ཁག་གིས་སྤོ་ལོ་ཐེངས་བཞི་བླུག་པ་དང་སློབ་ཕྲུག་ར་ཁག་གིས་སྤོ་ལོ་ཐེངས་གསུམ་བླུག་ཏེ་ཐག་གཅོད་བྱས་ཡོད་པ་རེད། རུ་ཁག་གཉིས་པོའི་རྩེད་འགྲན་པས་འགྲན་བསྡུར་དྲག་པོ་བྱས་ནས་ཕྱོགས་གཉིས་ཀའི་རྩེད་འགྲན་པ་རེ་རེ་འགྲན་བསྡུར་བྱས་པའི་རིང་སྒྲིལ་སྲོལ་ལས་བརྒལ་ནས་ཕྱིར་འབྱུད་བྱས་ཡོད་པ་མ་ཟད་རྩེད་འགྲན་གྱི་དུས་ཡུན་ནར་རྒྱང་ཐེངས་གཉིས་གཏོང་དགོས་བྱུང་ཡོད་པ་རེད། མ་རྡ་ར་སེ་བོད་པའི་སློབ་ཕྲུག་རུ་ཁག་གི་རྩེད་འགྲན་པ་བསྟན་འཛིན་བསམ་འཕེལ་གྱིས་རྩེད་འགྲན་རིང་སྤོ་ལོ་བཅུ་དྲུག་བླུག་ནས་རྒྱལ་ཡུམ་ཆེན་པོའི་རྐང་རྩེད་སྤོ་ལོའི་འགྲན་བསྡུར་སྐབས་བཅོ་ལྔ་པའི་རྩེད་འགྲན་པ་རྩེར་ཕུད་དུ་གྱུར་ཡོད་པ་དང་བོད་ཀྱི་རྩེད་འགྲན་ལྷན་ཚོགས་ཀྱིས་གོ་སྒྲིག་ཞུས་པའི་འགྲན་བསྡུར་གྱི་བྱ་དགའ་དེ་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་གནང་ཡོད་པ་བཅས་ཀྱི་གནས་ཚུལ་ཐོན་བཞག