བཞུགས་སྒར་དུ་བོད་དང་འབྲེལ་བའི་དཔེ་དེབ་དབུ་འབྱེད།

༄༅༎དེ་རིང་རེས་གཟའ་ཕུར་བུའི་ཉིན་བཞུགས་སྒར་རྡ་རམ་ས་ལར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་ལགས་ནས། ཀིར་གྷིཛ་ཏན་གྱི་རྩོམ་པ་པོ་སྐུ་ཞབས་ཀ་ཛཏ་ཨཀ་མ་ཏོལྦ་’མཆོག་གིས་རྩོམ་བྲིས་གནང་བའི་ཨར་ར་ཧཏ་འམ་དགྲ་བཅོམ་པ་ཞེས་པའི་དབྱིན་ཡིག་སྐད་ཐོག་ཕབ་བསྒྱུར་ཞུས་པའི་དེབ་དེ་བཞིན་དབུ་འབྱེད་གནང་ཡོད་འདུག མཛད་སྒོའི་ཐོག་ཕྱི་དྲིལ་བཀའ་བློན་མཆོག་གིས། གཙོ་བོ་བོད་དང་འབྲེལ་བའི་དེབ་རྩོམ་བྲིས་གནང་ནས་ཀིར་གྷིཛ་མི་མང་ཚོར་བོད་ཀྱི་གནས་ཚུལ་ངོ་སྤྲོད་གནང་བ་དང་། ད་རེས་ཀིར་གིཛ་ཁུལ་ནས་ཕེབས་པ་རྣམས་ལ་ཐུགས་རྗེ་ཆེ་ཞུ་རྒྱུ་ཡིན་་ལ་མ་འོངས་པར་ཡང་མི་མང་ཙམ་ཕེབས་ཐུབ་པའི་རེ་འདུན་གནང་གི་ཡོད་ཅེས་གསུངས་ཡོད་འདུག
གོང་དུ་ཞུས་པའི་དེབ་དེ་བཞིན་སྐད་ཡིག་འགའ་ཤས་ཐོག་ཕབ་བསྒྱུར་ཞུས་ཡོད་པ་ཞིག་ཡིན་པ་དང་ལྷག་པར་དུ་དེབ་དེར་རྒྱལ་སྤྱིའི་ཐོག་ནས་བྱ་དགའ་འགའ་ཤས་ཀྱང་ཐོབ་ཡོད་པའི་གྲས་ཤིག་ཡིན་འདུག དེབ་དེའི་ནང་སྒྲུང་གཏམ་གྱི་བརྒྱུད་ནས་ཨ་དི་ལཏ་ཞེས་པའི་ཕྲུ་གུ་ཞིག་བྱུང་ཡོད་པ་དེ་དག་རྗེ་བཙུན་མི་ལ་རལ་པའི་རྣམ་སྤྲུལ་ཡིན་པའི་སྣང་བ་བྱུང་ཡོད་པ་སོགས་གང་ལྟར་བོད་ནང་གི་ཆོས་དང་རིག་གཞུང་རྣམས་ངོ་སྤྲོད་བྱས་ཡོད་པ་རེད།