ལུས་རྩལ་བ་འཇམ་དབྱངས་རིན་ཆེན་གྱིས་དངུལ་གྱི་རྟགས་མ་བླངས་འདུག

ལུས་རྩལ་བ་འཇམ་དབྱངས་རིན་ཆེན་གྱིས་ཉེ་ཆར་རྒྱ་ནག་ནང་རྒྱལ་སྤྱིའི་རྒྱང་རྒྱུགས་འགྲན་བསྡུར་ཁྲོད་དངུལ་གྱི་རྟགས་མ་བླངས་འདུག
དེ་ཡང་རྒྱ་ནག་གི་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། སྤྱི་ཟླ་༤ཚེས་༢༢ཉིན། སྤྱི་ལོ་༢༠༡༨ལོའི་རྒྱལ་སྤྱིའི་རི་མཐོའི་རྒྱང་རྒྱུག་འགྲན་བསྡུར་ཞེས་པ་དེ་རྒྱ་ནག་ཧྥུ་ཅན་ཞིང་ཆེན་དབྱང་ཁྲུན་རྫོང་ཁྲེན་ཞང་ཤང་དུ་བྱས་ཡོད་པ་དང་། ཐེངས་འདིའི་འགྲན་བསྡུར་ཁྲོད་མདོ་སྨད་མཚོ་སྔོན་ཕྱོགས་ཀྱི་བོད་རིགས་འགྲན་ཞུགས་པ་འཇམ་དབྱངས་རིན་ཆེན་གྱིས་ཨང་གཉིས་པ་དངུལ་གྱི་རྟགས་མ་བླངས་ཡོད་པ་རེད། ཁོང་གིས་གསར་འགོད་པར་བརྗོད་དོན། ད་ཐེངས་ཨང་དང་པོ་མ་ཐོབ་མོད། ད་ལོའི་འགྲན་བསྡུར་འབྲས་བུ་འདི་ན་ནིང་ལོ་ལས་སྐར་མ་གཅིག་ལྷག་གིས་མགྱོགས་པས། ང་རང་ཡིད་ཚིམས་ཡོད་ཅེས་བཤད་འདུག
ཐེངས་འདིའི་འགྲན་བསྡུར་ཁྲོད་ཨ་རི་དང་དབྱིན་ཡུལ། འཇར་མན། བྷིར་ཟིལ། ལྷོ་ཨ་ཧྥེ་རི་ཁ་སོགས་རྒྱལ་ཁབ་དང་མངའ་ཁུལ་༡༡ཙམ་ནས་ཡོང་བའི་ལུས་རྩལ་པ་༢༠༠༠ལྷག་མཉམ་ཞུགས་བྱས་ཡོད་འདུག

གསར་འགོད་པ་ཀླུ་འབུམ།