རྒྱ་གར་ནང་འཆར་ལོའི་རྩེད་འགྲན་ཚོཌ་ཡུལ་དུས་ཐོག་འགྲུབ་མིན།

༄༅༎རྒྱ་གར་ནང་འཆར་ལོ་ཁོའོ་མེན་ལྦེལ་ཐི་རྩེད་འགྲན་ཆེན་མོ་ཚོགས་ཡུལ་གྱི་ལས་གཞི་རྣམས་དུས་ཐོག་མཇུག་བསྒྲིལ་ཐུབ་རྒྱུ་ཁག་པོ་ཆགས་ཀྱི་ཡོད་འདུག

ཀྲ་ཡེམ་སེ་ཨོཕ་ཨིན་ཌི་ཡ་ཞེས་པའི་གསར་ཤོག་ནས་གནས་ཚུལ་མཁོ་བཏོན་བྱས་པ་ལྟར་ན་ལོ་རྗེས་མ་རྒྱ་གར་གྱི་རྒྱལ་ས་ལྡི་ལིའི་ནང་ཚུགས་རྒྱུའི་ཁོའོ་མེན་ལྦེལ་ཐི་ཞེས་དེ་སྔ་དབྱིན་ཇིའི་དབང་འོག་ཏུ་ཚུད་པའི་རྒྱལ་ཁབ་ཁག་ཅིག་གི་རྩེད་འགྲན་ཆེན་མོ་དེའི་ཚོགས་ཡུལ་དང་འགྲུལ་ལམ་སོགས་ཀྱི་འཛུགས་སྐྲུན་གསར་བཟོ་དང་ཡར་རྒྱས་གཏོང་རྒྱུ་སོགས་ཀྱི་ལས་གཞི་བརྒྱ་ཆ་དགུ་བཅུ་ལྷག་ཙམ་ལོ་འདིའི་ཟླ་བ་བརྒྱད་པ་ཙམ་ལ་མཇུག་བསྒྲིལ་ཐུབ་པ་དགོས་ཀྱི་ཡོད་ཀྱང་ད་བར་བརྒྱ་ཆ་བཞི་བཅུ་ལྷག་ཙམ་ལས་ཟིན་མེད་པ་བཅས་ལ་བརྟེན་འཆར་ལོའི་རྩེད་འགྲན་གོང་དུ་ཐོག་ལས་འཆར་ཆ་ཚང་མཇུག་བསྒྲིལ་ཐུབ་ཨེ་ཡོང་བསམ་པའི་བློ་འཚབ་ཡོད་འདུག

ལས་འཆར་ཁོངས་སུ་རྩེད་འགྲན་ཚོགས་ཡུལ་གྱི་ཚོགས་ཁང་ཆེ་ཤོས་དང་དེ་བཞིན་རྩེད་འགྲན་པ་རྣམས་སྡོད་ཡུལ་ཁག་ཅིག་རྒྱབ་རྒྱུར་ཁོང་ཡུག་སྲུང་སྐྱོབ་ཚོགས་པ་ཁག་ནས་དགག་ཆ་བྱས་པ་བཅས་ལ་བརྟེན་དུས་ཐོག་ལས་ཀ་འགོ་འཛུགས་ཐུབ་མེད་པ་བཅས་ལ་བརྟེན་ཡིན་པ་རེད།

གོང་ཞུས་རྩེད་འགྲན་ཆེན་མོ་དེའི་ནང་རྒྱལ་ཁབ་དང་མངའ་ཁུལ་ཁྱོན་བསྡོམས་བདུན་བཅུ་དོན་གཅིག་ཙམ་ནས་མཉམ་ཞུགས་བྱེད་ཀྱི་ཡོད་པ་རེད།