༸གོང་ས་མཆོག་གིས་ལ་དྭགས་གཞུང་དམངས་གཉིས་ནས་དཔལ་རྔམ་གཟེངས་རྟགས་དེ་དད་པ་དང་ཆོས་སེམས་བརྟན་པོའི་སྒོ་ནས་ཕུལ་བར་ཐུགས་རྗེ་ཆེ་གསུངས་གནང་སོང།
ཕྱི་ལོ་༢༠༢༢ཕྱི་ཟླ་༨པའི་ཚེས་༥ཉིན་སྟེ་ལ་དྭགས་ཀྱི་དཔལ་རྔམ་དུས་སྟོན་སྲུང་བརྩི་ཞུས་བའི་ཉིན་མོར་སྐུ་མགྲོན་གཙོ་བོར་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་གདན་ཞུས་གནང་བ།
RFA/Thinley Choedon
ཕྱི་ལོ་༢༠༢༢ཕྱི་ཟླ་༨པའི་ཚེས་༥ཉིན་སྟེ་ལ་དྭགས་ཀྱི་དཔལ་རྔམ་དུས་སྟོན་སྲུང་བརྩི་ཞུས་བའི་ཉིན་མོར་སྐུ་མགྲོན་གཙོ་བོར་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་གདན་ཞུས་ཀྱིས་མགོན་པོ་གང་ཉིད་ལ་ལ་དྭགས་དཔལ་རྔམ་དུས་སྟོན་གྱི་གཟེངས་རྟགས་དེ་ཕུལ་སྐབས།མགོན་པོ་གང་ཉིད་ནས་བོད་དང་ཧི་མ་ལ་ཡའི་དབར་མཐུན་མོང་མ་ཡིན་པའི་འབྲེལ་བ་གཏིང་ཟབ་ཡོད་པ་དང་ལ་དྭགས་ནང་དམིགས་བསལ་ཆོས་ལུགས་འཆམ་མཐུན་དང་མཐུན་སྒྲིལ་ཡོད་པར་བསྔགས་བརྗོད་གནང་སོང་། ཡང་༸གོང་ས་མཆོག་གིས་དེང་སང་ལ་དྭགས་ཁུལ་དུ་དེ་སྔ་དང་བསྔུར་ན་སྔོ་ལྗང་གི་ཁོར་ཡུག་བཟང་དུ་ཕྱིན་ཡོད་པ་དང་མུ་མཐུད་ཚང་མས་ཁོར་ཡུག་ལ་དོ་སྣང་གནང་རྒྱུ་གལ་ཆེན་ཡིན་སྐོར་བཀའ་སྩལ་གནང་སོང་།
སྤྱིར་དཔལ་རྔམ་དུས་སྟོན་དེ་ལ་དྭགས་གཞུང་དམངས་ནས་ཆོས་སྲིད་གཉིས་ཀའི་ཐད་སྤྱི་ཚོགས་ལ་ཞབས་ཞུ་གནང་མཁན་ལ་འབུལ་སྲོལ་འདུག་ལ་ད་ལན་གཟེངས་རྟགས་དེ་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ལ་ཕུལ་བ་ནི་ཁོང་གི་མཛད་པ་འཕྲིན་ལས་ལ་སུས་ཀྱང་བསྡུར་ཐབས་མེད་ན་ཡང་མགོན་པོ་གང་ཉིད་ནས་ད་རེས་ཀྱི་གཟེངས་རྟགས་འདི་བཞེས་པ་ལ་ལ་དྭགས་གླེ་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་སྡེ་དཔོན་བཀྲ་ཤིས་རྒྱལ་མཚན་ཀྱིས་ལ་དྭགས་གཞུང་དམངས་གཉིས་ཀའི་ངོས་ནས་ཐུགས་རྗེ་ཆེ་ཞུ་བ་དང་མགོན་པ་གང་ཉིད་མཆོག་ལ་དྭགས་སུ་མུ་མཐུད་སྦྱིན་རླབས་བསྐྱང་རྒྱུའི་སྐྱབས་འཇུག་ཞུས་གནང་སོང་།
ཡང་ལ་དྭགས་སུ་ཡོད་པའི་རྒྱ་གར་གྲོས་ཚོགས་འོག་མའི་འཐུས་མི་སྐུ་ཞབས་འཇམ་དབྱངས་ཚེ་རིང་རྣམ་རྒྱལ་ལགས་ཀྱིས། ད་ལན་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ལ་དཔལ་རྔམ་དུས་སྟོན་འབུལ་རྒྱུ་བྱུང་བ་དེའི་བརྒྱུད་ལ་དྭགས་གཞུང་དམངས་ཡོངས་ཀྱི་ཐོག་ནས་༧སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་དང་བོད་ཕྱི་ནང་གཉིས་ཀྱི་བོད་མི་རྣམས་ལ་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས་གནང་སོང་།
སྤྱིར་ལ་དྭགས་དཔལ་རྔམ་དུས་སྟོན་ཟེར་བ་དེ་ལ་དྭགས་གཞུང་དམངས་ནས་ཕྱི་ལོ་༢༠༡༦ནས་མགོ་འཛུགས་ཀྱིས་ལོ་ལྟར་སྲུང་བརྩི་ཞུ་སྲོལ་ཡོད་ཅིང་དུས་སྟོན་དེ་དང་འབྲེལ་བའི་དམིགས་བསལ་གྱི་བརྗོད་གཞི་རེ་བདམས་ཀྱི་འདུག་པས་འདི་ལོའི་བརྗོད་གཞི་ནི་སེང་གེ་གཙང་པོ་ནི་ལ་དྭགས་ཀྱི་སྲོག་རྩ་ཡིན་ཞེས་པ་དེ་རེད་འདུག གཞི་རྩའི་སེང་གེ་གཙང་པོའི་འབྱུང་ཁུངས་ནི་བོད་ཡིན་པ་དང་ལ་དྭགས་ཡུལ་མི་ཚོའི་འཚོ་བའི་རྟེན་གཞི་གཙོ་བོ་ཞིག་རེད་འདུག ལ་དྭགས་བརྒྱུད་སེང་གེ་གཙང་པོ་དེ་པ་ཀི་ཐན་(Pakistan)ནང་རྒྱུག་གི་ཡོད་པ་རེད།
གཞན་ཡང་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ནས་ལ་དྭགས་ས་གནས་སུ་ཞབས་སོར་ཐེངས་༢༦འཁོད་ཡོད་པ་དང་མ་འོངས་སླར་ཡང་ཆིབས་སྒྱུར་བསྐྱང་རྒྱུའི་ཐུགས་འདོད་ཡོད་སྐོར་དང་རིང་མིན་ཕྱི་ཟླ་༨ཚེས་༡༠ཉིན་ལ་དྭགས་ལིང་ཤེད་དགོན་པའི་དབྱར་ཆོས་ཆེན་མོར་ཆིབས་སྒྱུར་བསྐྱང་རྒྱུ་ཡིན་འདུག
གསར་འགོད་པ། འཕྲིན་ལས་ཆོས་སྒྲོན།
རྩོམ་སྒྲིག་པ། ཡེ་ཤེས་ཟླ་བ། བསྟན་འཛིན་འཕགས་སྒྲོན།
དྲ་ཐོག་སྤེལ་མཁན། བསྟན་འཛིན་འཕགས་སྒྲོན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག