བཞུགས་སྒར་ནས་ཆིབས་བསྒྱུར།

༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེ་རིང་ཕྱི་ཚེས་ ༦ ཉིན་བཞུགས་སྒར་ནས་ལྡི་ལིར་ཆིབས་བསྒྱུར་བསྐྱངས་ཡོད་པ་རེད། དེ་ཡང་མཛད་འཆར་སྔོན་སྒྲིག་ལྟར།    ལྡི་ལི་ནས་ཐོག་མར་ ནིའུ་ཛི་ལེཎྜ་ནང་ཆིབས་བསྒྱུར་བསྐྱངས་ཏེ། ཕྱི་ཚེས་ ༩ ཉིན་ ནིའུ་ཛི་ལེཎྜ་གྱི་ཁ་རི་སི་ཅར་ཅིའི་ Christchurch ཞེས་པའི་གྲོང་ཁྱེར་ནང་བདེན་པ་བཞིའི་སྐོར་བཀའ་ཆོས་བསྩལ་རྒྱུ་དང། མང་ཚོགས་ལ་བྱམས་བརྩེའི་སྐོར་བཀའ་སློབ་བསྩལ་རྒྱུའི་མཛད་འཆར་ཡོད་པ་རེད།    ཕྱི་ཚེས་ ༡༡ ཉིན་ ནིའུ་ཛི་ལེཎྜའི་དྷུ་ནི་ཌིན་ Dunedin གྲོང་ཁྱེར་ནང་མང་ཚོགས་ལ་ཆོས་ལུགས་ཀྱི་རྒྱ་ལས་བརྒལ་བའི་འཇིག་རྟེན་ཀུན་ལ་སྨན་པའི་བཟང་སྤྱོད། ཅེས་པའི་བརྗོད་གཞིའི་ཐོག་བཀའ་སློབ་བསྩལ་རྒྱུ་དང་། ཕྱི་ཚེས་ ༡༢ ཉིན་ ནིའུ་ཛི་ལེཎྜའི་ཨོཀ་ལེན་ཌི་ Auckland གྲོང་ཁྱེར་ནང་བདེ་སྐྱིད་ཀྱི་ལམ་བུ་ཞེས་པའི་བརྗོད་གཞིའི་ཐོག་མང་ཚོགས་ལ་བཀའ་སློབ་བསྩལ་རྒྱུ་ཡིན་འདུག    ནིའུ་ཛི་ལེཎྜ་ཁུལ་གྱི་མཛད་འཆར་གྲུབ་རྗེས་ཨོ་སི་ཊྲེ་ལི་ཡ་ནང་ཆིབས་བསྒྱུར་དང་འབྲེལ།    ཁུལ་དེར་ཕྱི་ཟླ་ ༦ ཚེས་ ༡༤ ནས་ ༢༣ བར་ཉིན་གྲངས་བཅུ་ཙམ་གྱི་མཛད་འཆར་སྔོན་སྒྲིག་གནང་ཡོད་པ་རེད།།