༧གོང་ས་མཆོག་གིས་རྒྱ་གར་གྱི་གཞོན་སྐྱེས་ལ་བཀའ་སློབ།

༄༅༎བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་གྱི་གཞོན་སྐྱེས་ཚོས་ཆབ་སྲིད་ཀྱི་ལས་དོན་ནང་མཉམ་ཞུགས་བྱས་ནས་  རྒྱ་གར་ནང་ལྐོག་ཟ་རུལ་སུངས་ཀྱི་བྱ་སྤྱོད་དེ་རིགས་བཀག་འགོག་ཐུབ་པ་བྱ་དགོས་པའི་སྐོར་བཀའ་སློབ་སྩལ་འདུག་
༧གོང་ས་སྐྱབས་མགོན་ཆེན་པོ་མཆོག་གིས་གཟའ་ཕུར་བུའི་ཉིན་པུ་ན་ས་གནས་ཀྱི་སློབ་གྲ་ཆེན་མོ་ཞིག་ནང་ཆིབས་བསྒྱུར་བསྐྱངས་པའི་སྐབས་ ལྷན་ཚོགས་ཤིག་གི་ཐོག་བཀའ་སློབ་གནང་ཡོད་པའི་ནང་  རྒྱ་གར་ནང་གི་གཞོན་སྐྱེས་ཚོས་ ཆབ་སྲིད་ཀྱི་ལས་དོན་ཁག་ནང་མཉམ་བཞུགས་བྱ་རྒྱུ་དེ་གལ་འགངས་ཆེན་པོ་ཞིག་ཡིན་པ་དང་  གཞོན་སྐྱེས་ཚོས་ཆབ་སྲིད་ཚོགས་པ་དང་ལས་དོན་ཁག་ནང་མཉམ་བཞུགས་བྱས་ནས་སྐྱུག་བྲོ་བའི་ཆབ་སྲིད་ལས་དོན་རིགས་ལ་འགྱུར་ལྡོག་གཏོང་ཐབས་དགོས་པ་དང་  ལས་དོན་དེ་རིགས་འགྱུར་ལྡོག་ཡོངས་ཐབས་སུ་ངེས་པར་དུ་གཞོིན་སྐྱེས་ཚོས་མཉམ་རུབ་བྱ་རྒྱུ་དེ་དགོས་ངེས་ཤིག་ཡིན་པ་མ་ཟད་  ལྐོག་ཟ་རུལ་སུངས་ཀྱི་གནད་དོན་དེ་རིགས་མཚམས་འཇོག་ཡོང་རྒྱུར་ཐབས་ལམ་གལ་ཆེ་ཞིག་ཡིན་པའི་སྐོར་བཀའ་སློབ་སྩལ་གནང་མཛད་ཡོད་འདུག།