འགྲོ་བ་མིའི་ཐོབ་ཐང་རྡོག་རོལ་གཏོང་མཁན་ཚོར་ཁ་གཏད།

འཛམ་གླིང་ནང་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་མཁན་ཚོར་ཁ་གཏད་གདོང་ལེན་གྱི་ཆེད་ཨ་རིས་ནང་ཁྲིམས་གཞི་ཞིག་བཏོན་གནང་འདུག
དེ་ཡང་འཛམ་གླིང་ནང་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་མཁན་ཚོར་ཁ་གཏད་གདོང་ལེན་གྱི་ཆེད་ཨ་རིའི་གྲོས་ཚོགས་གོང་འོག་གཉིས་ནང་ཁྲིམས་གཞི་ཞིག་བཏོན་གནང་ཡོད་པ་དང་། ཁྲིམས་གཞི་དེའི་ནང་། ཨ་རིའི་སྲིད་འཛིན་མཆོག་གིས་ཕྱི་རྒྱལ་གྱི་གཞུང་འབྲེལ་མི་སྣ་སུ་རུང་གིས་མི་སེར་ཚོར་མནར་གཅོད་དང་། དམར་གསོད། འགྲོ་བ་མིའི་ཐོབ་ཐང་རྡོག་རོལ་གཏོང་མཁན་གྱི་འགན་ཡོད་དཔོན་རིགས་ཚོའི་མིང་གཞུང་ཞིག་གཏན་འབེབས་བྱས་ཐོག་མི་སྣ་དེ་དག་ལ་ཨ་རིའི་གཞུང་གིས་ཐོངས་མཆན་སྤྲོད་རྒྱུ་བཀག་བསྡོམས་དང་། ཡང་མི་སྣ་དེ་དག་གི་རྒྱུ་དངོས་སོགས་གཞུང་བཞེས་རྒྱས་བཅས་བྱེད་རྒྱུ་སོགས་ཡིན་འདུག རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་མ་ཐུས་ལགས་ཀྱིས། སྔར་བྱུང་མྱོང་མེད་པའི་ཨ་རིའི་གྲོས་ཚོགས་གོང་འོག་གི་བཏོན་གནང་བའི་ད་ཐེངས་ཁྲིམས་གཞི་དེས་སྤྱིར་འཛམ་གླིང་ཡོངས་དང་། ལྷག་པར་དུ་རྒྱ་ནག་ལ་བརྡ་ལན་གསལ་པོ་ཞིག་སྤྲོད་ཀྱི་ཡོད་པ་རེད། རྒྱལ་སྤྱིའི་བོད་དོན་ལས་འགུལ་ཁང་གིས་ཁྲིམས་གཞི་དེ་ལ་རྒྱབ་སྐྱོར་ཡོད་པའི་ཐོག་ཨ་ཪིའི་འབྲེལ་ཡོད་ཀྱི་གྲོས་ཚོགས་འཐུས་མི་རྣམས་ལ་འཕྱ་གྲུ་མཉམ་འདེགས་ཀྱིས་ཁྲིམས་གཞི་དེའི་དམིགས་ཡུལ་འགྲུབ་རྒྱུའི་འབད་བརྩོན་ཞུ་རྒྱུ་ཡིན། བོད་ཁུལ་དུ་རྒྱ་ནག་གི་མཐོ་རིམ་འགོ་ཁྲིད་ཁག་ཅིག་ལ་གནད་དོན་དེ་དང་འབྲེལ་བ་ཆགས་སྲིད་པ་རེད་ཅེས་ལས་འགུལ་ཁང་གིས་ཕྱི་ཚེས་༣ཉིན་གནས་ཚུལ་སྤེལ་འདུག
The Global Magnitsky Human Rights Accountability Act (S. 284)ཞེས་རྒྱལ་སྤྱིའི་འགྲོ་བ་མིའི་ཐོབ་ཐང་འགན་འཁྲི་ཞེས་པའི་ཁྲིམས་གཞི་དེ་ཨ་རིའི་གྲོས་ཚོགས་འོག་མའི་ནང་འདོན་མཁན་གྲོས་ཚོགས་འཐུས་མི་Chris Smith, Helsinkiདང་། ཡང་གྲོས་ཚོགས་གོང་མའི་ནང་འཐུས་མི་ John McCain and Ben Cardinཡིན་ཅིང་། གཙོ་བོ་རྒྱལ་སྤྱིའི་ཐོག་འགྲོ་བ་མིའི་ཐོབ་ཐང་རྡོག་རོལ་གཏོང་བ་འགོག་ཐབས་ལ་དམིགས་པ་ཞིག་རེད་འདུག

གསར་འགོད་པ་རྡོ་རྗེ་དགྲ་འདུལ།