འཇི་ནི་ཝ་གླེང་སྟེགས་ཐེངས་གཉིས་པ་དེ་ཕྱི་ཚེས་༡༤ནས༡༥བར་གནང་བ།
2019.11.14
སྲིད་སྐྱོང་བློ་བཟང་སེངྒེ་མཆོག་ནས་འཇི་ནི་ཝ་གླེང་སྟེགས་ཐོག་གསུང་བཤད་གནང་བཞིན་པ།
དབུས་བོད་མིའི་སྒྲིག་འཛུགས།
དབུས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་། སུད་སི་བོད་ཀྱི་སྐུ་ཚབ་དོན་ཁང་གཉིས་ཀྱི་གོ་སྒྲིག་འོག་འཇི་ནི་ཝ་གླེང་སྟེགས་ཐེངས་གཉིས་པ་དེ་ཟླ་བ་འདིའི་ཚེས་༡༤ནས་དབུ་འཛུགས་ཀྱིས་སུད་སི་འཇི་ནི་ཝ་གྲོང་ཁྱེར་དུ་སྐོང་ཚོགས་གནང་བཞིན་ཡོད་པ་རེད།
ཕྱི་ཚེས་༡༥བར་སྐོང་ཚོགས་གནང་རྒྱུའི་ཉིན་གྲངས་གཉིས་ཀྱི་གླེང་སྟེགས་དེའི་ཐོག་ཡུ་གུར་དང་། སོག་པོ། ཕ་ལུང་ཀུང་ཆོས་འཁོར་སྒོམ་སྒྲུབ་ཉམས་ལེན་པ། ཧོང་ཀོང་དང་། ཐེ་ཝན་སོགས་ཀྱི་སྐུ་ཚབ་འཐུས་མི་ཁྱོན་མི་གྲངས་༡༣༠ལྷག་ཙམ་ནས་མཉམ་བཞུགས་གནང་ཡོད་པ་རེད།
ད་རེས་ཀྱི་གླེང་སྟེགས་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་འཕྲིན་ཞིག་བསྩལ་གནང་བའི་ནང་། འབྱུང་འགྱུར་རྒྱ་ནག་གཞུང་ནས་འཛམ་བུ་གླིང་ཁྱོན་ཡོངས་ཀྱི་གནས་སྟངས་གང་འདྲ་ཞིག་གི་ཐོག་ཏུའང་འགན་འཁུར་ཐུབ་མཁན་གྱི་རྒྱལ་ཁབ་ཅིག་ཡོང་ཐབས་སུ་འབད་བརྩོན་བྱེད་དགོས་པའི་ལམ་སྟོན་བསྩལ་ཡོད་པ་རེད།
དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་ང་ཚོ་རླུང་འཕྲིན་ཁང་གི་བཅར་འདྲིར་དང་ལེན་དང་སྦྲགས་གསུངས་སྐབས། ད་རེས་ཀྱི་ཚོགས་འདུ་འདིའི་ཐོག་ནས་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་དང་། འཐུས་མི་རྒྱལ་ཁབ་ཚང་མས་རྒྱ་ནག་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་སྲིད་བྱུས་མཁྱེན་རྟོགས་གསལ་བོ་ཡོང་བའི་རེ་བ་གནང་གི་ཡོད་སྐོར་གསུངས་སོང་།
ཉིན་གྲངས་གཉིས་རིང་གི་ཚོགས་འདུ་དེ་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དང་། དམིགས་བསལ་སྐུ་མགྲོན་སུད་སི་གྲོས་ཚོགས་འཐུས་མི་སྐུ་ཞབས་Carlo Sommaruga་རྣམ་གཉིས་ནས་དབུ་འབྱེད་གནང་ཡོད་པ་རེད།།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག