ཐའེ་ལན་ནང་སྐྱབས་བཅོལ་དུ་ཡོང་མཁན་འབར་མའི་ཡུལ་མི།

• 
  2010-08-02

༄༅༎འབར་མའི་ནང་རྒྱལ་ཡོངས་འོས་བསྡུ་བྱ་རྒྱུའི་དུས་ཚོད་མ་ཟིན་གོང་འབར་མའི་སྐྱབས་བཅོལ་བ་གསར་པ་མང་པོ་ཞིག་ཡུལ་གྱི་ཆབ་སྲིད་གནས་སྟངས་བརྟན་པོ་མེད་པའི་ཉེན་ཁ་ལས་གཡོལ་ནས་ཁྱིམ་མཚེས་ཐའེ་ལན་ནང་འབྱོར་བཞིན་ཡོད་པ་རེད།

འབར་མའི་ས་མཚམས་དང་ཉེ་བའི་ཐཡི་ལེནཌ་ཁུལ་གྱི་སྐྱབས་བཅོལ་བའི་སྒར་ས་ཁག་གི་ནང་འབར་མའི་སྐྱབས་བཅོལ་བ་མི་གྲངས་ཆིག་འབུམ་བཞི་ཁྲི་བརྒྱད་སྟོང་ཙམ་གནས་སྟོད་བྱེད་ཀྱི་ཡོད་པ་དང༌། དེ་ཚོ་ཕལ་ཆེ་བ་དམག་འཁྲུག་གི་གོད་ཆག་ཤུགས་ཆེ་ཕོག་པའི་འབར་མའི་ཤར་ཕྱོགས་གྲོང་གསེབ་ཁག་ནས་ཡིན་པ་རེད།

རིང་མིན་འབར་མའི་ནང་རྒྱལ་ཡོངས་འོས་བསྡུ་བྱ་རྒྱུ་ཡིན་པའི་གནས་སྟངས་འོག། ཐའེ་ལན་་ནང་འབར་མ་སྐྱབས་བཅོལ་བ་ཚོར་རང་ཡུལ་ལ་ཕྱོར་ལོག་གཏོང་རྒྱུའི་སྐད་ཆ་ཡོང་བཞིན་ཡོད་ནའང༌། གསར་དུ་བྲོས་བྱོལ་ལ་ཡོང་བཞིན་པའི་སྐྱབས་བཅོལ་བ་ཚོས་ཡུལ་གྱི་ནང་བཟང་ཕྱོགས་ཀྱི་འགྱུར་བ་འགྲོ་རྒྱུའི་རེ་བ་བྱེད་ཀྱི་མེད་པ་དང༌། དེ་འདྲའི་གནས་སྟངས་འོག་ཐའེ་ལན་ནང་གསར་དུ་བྲོས་བྱོལ་ལ་འབྱོར་བའི་བུད་མེད་ཧ་ལ་ཧ་ལ་ཨ་ཡེ་ཡིས་བདུན་གསུམ་གོང་མོ་རང་དང་མོ་རང་གི་བཟའ་ཟླ་གཉིས་ཀྱིས་ཕྲུ་གུ་གསུམ་མཉམ་འཁྲིད་བྱས་ནས་བྲོས་བྱོལ་དུ་སླེབས་ཡོད་ནའང༌། བུ་གཅིག་མཉམ་དུ་འཁྲིད་མ་ཐུབ་པར་འབར་མའི་ནང་ལུས་ཡོད་སྐོར་ངུ་བཞིན་དུ་ཕ་རེན་སིའི་གསར་འགོད་པར་འགྲེལ་བརྗོད་བྱས་བཞག།

བུད་མེད་དེས་དྲག་པོའི་གཞུང་མུ་མཐུད་གནས་པ་ཡིན་ན། ཡུལ་ནང་ཞི་བདེ་ཡོང་ཐབས་མེད་པ་དང༌། གནས་སྟངས་ད་དུང་སྡུག་ཏུ་འགྲོ་རྒྱུ་ཡིན་སྐོར་བརྗོད་ཏེ། སྐྱབས་བཅོལ་བ་ཚོ་ཕྱིར་ལོག་བྱས་པ་ཡིན་ན། སྲོག་ལ་ཉེན་ཁ་ཡོད་སྐོར་བརྗོད་བཞག།