ཇོ་མོ་གླང་མའི་རི་གཤམ་དུ་འཁྱགས་རོམ་བཞུས་ནས་ཆུ་ལོག་བརྒྱབ་པ།
ཨེ་པི།
ཨིན་ཇིའི་བྷི་བྷི་གསར་ལས་ཁང་གིས་ཚེས༢༠ཉིན། གནས་ཚུལ་སྤེལ་དོན་ལྟར་ན་ཐང་སྨད་ཤར་པའི་གྲོང་གསེབ་དེ་ནི་གངས་རི་ཇོ་མོ་གླང་མའི་རི་རྩེར་ཐོག་མར་ Edmund Hillaryཡི་མཉམ་དུ་འཛེགས་མཁན་ཤར་པ་བསྟན་འཛིན་ནོར་རྒྱས་དམ་པ་དེ་གཙོས་པའི་འཛམ་གླིང་ནང་གི་རི་འཛེག་པ་ཤར་པ་སྙན་གྲགས་ཅན་མང་པོ་འཁྲུངས་སའི་གྲོང་གསེབ་དེ་ཡིན་འདུག དུས་རྒྱུན་གྲོང་གསེབ་དེའི་ནང་མི་གྲངས་༣༠༠ཙམ་གནས་སྡོད་བྱེད་ཀྱི་ཡོད་པ་རེད། ད་ཐེངས་ཆུ་ལོག་དང་ས་རུད་ཀྱི་གནོད་འཚེ་བྱུང་རྗེས་སུ་མ་འོངས་བར་གྲོང་གསེབ་དེའི་ནང་ཉེན་ཁ་མེད་པར་གནས་སྡོད་ཐུབ་རྒྱུ་ཡིན་མིན་དོགས་པ་བྱེད་བཞིན་འདུག བལ་ཡུལ་གྱི་རི་འཛེག་ཚོགས་པའི་ཚོགས་གཙོ་ཟུར་པ་ཨང་ཚེ་རིང་ཤར་པ་ལགས་ཀྱིས་ཆུ་ལོག་དེ་ཉིན་གུང་བྱུང་བར་བརྟེན་གྲོང་གསེབ་དེའི་ནང་མི་ཤི་རྨས་ཀྱི་སྐྱོན་བྱུང་མེད་པ་དང་གལ་ཏེ་མཚན་མོར་ཆུ་ལོག་དེ་བྱུང་ཡོད་ཚེ་མི་གྲངས་༢༠༠ནས་༣༠༠བར་གྱི་ཚེ་སྲོག་ཤོར་རྒྱུ་ཡིན་ལུགས་གསུངས་འདུག ཡང་ཐང་སྨད་གྲོང་གསེབ་ནང་སྐྱེས་པ་དབྱངས་ཇི་སྒྲོལ་མ་ཤར་པ་ཞུ་བས་དུས་ད་ལྟའི་ཆར་ཡང་གྲོང་གསེབ་དེའི་མི་མང་རྣམས་ཧ་ལས་ཧོན་འཐོར་ནས་བསྡད་ཡོད་པ་དང་ཕན་ཚུན་སྐད་ཆ་བཤོད་སྐབས་མིག་ཆུ་གཏོང་བཞིན་དུ་བཤད་ཀྱི་ཡོད་སྐོར་གསུངས་འདུག ཡང་པ་སངས་ཤར་པ་ཞུ་བས་ཐང་སྨད་གྲོང་གསེབ་དེའི་ཆ་ཤས་ཤིག་ཆུ་ལོག་གིས་འཁྱེར་ན་ཡང་ཁོང་རང་གཙོས་པའི་གྲོང་གསེབ་པ་རྣམས་རི་མཐོ་སར་བྲོས་ནས་སྲོག་ཐར་བྱུང་ཡོད་སྐོར་གསུངས་འདུག ད་དུང་ཧི་མ་ལ་ཡའི་རི་བརྒྱུད་ཁུལ་ལ་མཁྱག་རོམ་གྱི་མཚོ་དང་ཚེའུ་མང་པོ་ཡོད་པས་ན་དེ་དག་གི་ཆུ་རྒྱས་ནས་ད་རེས་ཐང་སྨད་ལ་བྱུང་བ་ལྟར་རྐྱེན་ངན་ཚབས་ཆེ་ཡོང་བའི་ཉེན་ཁ་ཡོད་སྐོར་དབྱིན་ཇིའི་བྷི་བྷིས་གསར་ལས་ཁང་གིས་གནས་ཚུལ་སྤེལ་འདུག།
གསར་འགོད་པ། སེངྒེ་རི་བསོད་ནམས་ལྷ་མོ།
རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག