སྐྱེ་རྒུ་མདོའི་ས་ཡོམ་འོག་ཚེ་སྲོག་ཤོར་བའི་གྲངས་འབོར།

༄༅༎ད་ལོ་ཕྱི་ཟླ་བཞི་པའི་ཚེས་༡༤ཉིན་སྐྱེ་རྒུ་མདོ་ཁུལ་དུ་ས་ཡོམ་གྱི་གོད་ཆགས་ཕོག་ནས་ད་བར་མི་གྲངས་༢༦༩༨ཙམ་གྱི་ཚེ་སྲོག་ཤོར་ཡོད་པ་རྒྱ་ནག་གཞུང་གིས་ད་རེས་གཟའ་ཟླ་བའི་ཉིན་གྲངས་འབོར་ཟིན་ཐོ་བསྐྱར་དུ་ཕྱིར་བསྒྲགས་བྱས་ཡོད་པ་དང་ཡང་མི་གྲངས་༢༧༠ཙམ་རྩལ་རྙེད་ཐུབ་མེད་པ་རེད་

དེའི་གོང་རྒྱ་ནག་གཞུང་ཕྱོགས་ས་ཡོམ་གྱི་གོད་ཆགས་འོག་མི་གྲངས་༢༢༠༠ཙམ་རྐྱེན་འདས་སུ་ཕྱིན་པ་ཕྱིར་བསྒྲགས་བྱས་ཡོད་ཅིང་ད་རེས་ཕྱི་ཚེས་༣༡ཉིན་རྐྱེན་འདས་སུ་ཕྱིན་པའི་མིའི་གྲངས་འབོར་༢༦༩༨ཟིན་གྱི་ཡོད་པ་སྐྱར་དུ་ཕྱིར་བསྒྲགས་བྱས་ཡོད་པ་རེད་ རྒྱ་ནག་གཞུང་གི་ཕྱིར་བསྒྲགས་དེའི་ནང་རྐྱེན་འདས་སུ་ཕྱིན་པའི་མིའི་གྲངས་འབོར་གང་འདྲ་བྱས་ནས་ཞིབ་རྩིས་བྱས་མིན་གྱི་ཞིབ་ཕྲའི་གནས་ཚུལ་གང་ཡང་འཁོད་མེད་པ་དང་ དེའི་གོང་ཙམ་དུ་གནས་ཚུལ་ཁག་ཅིག་ནང་ས་ཡོམ་གྱི་གོད་ཆགས་དེའི་འོག་མི་གྲངས་ཁྲི་གཅིག་ལྷག་རྐྱེན་འདས་སུ་ཕྱིན་པའི་སྐོར་འཁོད་ཡོད་པ་རེད།