༧གོང་ས་མཆོག་སྡེ་ར་ལྡུན་ཝ་ན་མཚམས་ཁང་དུ་ཕེབས་པ།
2016.04.07
རྒྱ་གར་གྱི་ཁེ་གཉེར་ལས་ཁང་ཆེ་གྲས་Max་ཡི་གཙོ་འཛིན་Veer Singh་གྱི་༧གོང་ས་མཆོག་ཕེབས་བསུ་གནང་བཞིན་པ། ༢༠༡༦།༤།༦
OHHDL
༧གོང་ས་མཆོག་གིས་ཞེ་སྡང་སོགས་ཉོན་མོངས་པའི་གཞན་དབང་འོག་མི་གསོད་ཁྲག་སྦྱོར་ཧ་ཅང་མང་པོ་ཡོང་བཞིན་པ་གསུང་བ།
ཁ་ས་ཕྱི་ཚེས་༦་ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧་གོང་ས་སྐྱབས་མགོན་ཆེན་པོ་མཆོག་རྒྱ་གར་བྱང་ཕྱོགས་ཨུཏྟར་ཁཎྜ་མངའ་སྡེའི་རྒྱལ་ས་སྡེ་ར་ལྡུན་གྱི་ཉེ་འགྲམ་དུ་ཡོད་པའི། ཝ་ན་མཚམས་ཁང་དུ་ཆིབས་བསྒྱུར་བསྐྱངས་འདུག མཚམས་ཁང་དེར་ཞབས་སོར་འཁོད་སྐབས་ཐོག་མར་སྐུ་ཞབས་ཝིར་སིངྒ་ལགས་ཀྱིས་ཕེབས་བསུའི་གསུང་བཤད་གནང་ཡོད་ཅིང༌། སྐུ་ཞབས་ཝིར་སིངྒ་ནི་རྒྱ་གར་གྱི་ཁེ་གཉེར་ལས་ཁང་ཆེ་གྲས་Max་སྡེ་ཚོགས་ཀྱི་གཙོ་འཛིན་ཡིན་ཞིང༌། རྒྱ་གར་ནང་Max་སྨན་ཁང་དང་སྤྱི་ཚོགས་ཞབས་ཞུ་ཁང་། མགྲོན་ཁང་དང་དེ་མིན་གྱི་ཚོང་ལས་སྡེ་ཁག་མང་པོ་ཞིག་ཡོད་པ་དེ་དག་གི་གཙོ་བདག་ཡིན་པ་རེད།
དེ་རྗེས་༧གོང་ས་༧སྐྱབས་མགོན་ཆེན་པོ་མཆོག་གིས་དེར་འདུས་མང་ཚོགས་ལ་བཀའ་སློབ་སྩལ་བའི་ནང༌། མཚམས་ཁང་འདིར་ཁྱེད་རྣམས་ཀྱིས་གཞན་ཕན་གྱི་ཕྱག་ལས་ཡག་པོ་གནང་བཞིན་པར་བསྔགས་བརྗོད་ཡོད། ངོས་ཀྱི་མི་ཚེ་ཧྲིལ་པོ་འདིའི་རིང་མི་གསོད་ཁྲག་སྦྱོར་དང་འཚེ་བའི་གནས་ཚུལ་མང་དག་ཅིག་མཐོང་ཡོད། འདིར་ང་ཚོ་ཞི་བདེ་བག་ཕེབས་ངང་གནས་ཡོད་ཀྱང་ས་གནས་གཞན་དུ་ཞེ་སྡང་སོགས་ཉོན་མོངས་པའི་གཞན་དབང་འོག་མི་གསོད་ཁྲག་སྦྱོར་ཧ་ཅང་མང་པོ་ཡོང་བཞིན་ཡོད། གལ་ཏེ་མུ་མཐུད་ནས་དེ་ལྟར་ཕྱིན་པ་ཡིན་ན་དུས་རབས་༢༡་འདི་ཡང་དེ་སྔ་ལྟར་མི་གསོད་ཁྲག་སྦྱོར་གྱི་དུས་རབས་ཤིག་ཏུ་གྱུར་ངེས་ཡིན། འཚེ་བས་རྟག་ཏུ་སྡུག་བསྔལ་ལ་སྦྱོར་བཞིན་ཡོད། སྡུག་བསྔལ་སུས་ཀྱང་མི་འདོད། ང་ཚོ་ཚང་མས་བདེ་བ་འདོད་ཀྱི་ཡོད།
ཚན་རིག་པ་དང་སྨན་གྱི་ཉམས་ཞིབ་བྱས་པ་བརྒྱུད་གཞི་རྩའི་འགྲོ་བ་མིའི་རང་བཞིན་བྱམས་བརྩེ་ལྡན་པ་ཞིག་ཡིན་པ་ཤེས་རྟོགས་ཐུབ་ཡོད། དེར་བརྟེན་ངོས་ཀྱིས་རེ་བ་ཧ་ཅང་ཆེན་པོ་ཡོད་པ་མཐོང་བཞིན་འདུག ང་ཚོ་ཚང་མར་མ་ལས་སྐྱེས་པའི་ཉམས་མྱོང་གཅིག་མཚུངས་ཤིག་ཡོད། མའི་བྱམས་བརྩེ་མེད་ན་ང་ཚོ་འཚོ་གནས་ཐུབ་མེད། དེ་འདྲ་ཡིན་ཙང་མཚམས་ཁང་འདིའི་མིའི་ལུས་ཁམས་བདེ་པོ་བཟོ་ཆེད་ཐབས་ལམ་འདྲ་མིན་ལག་བསྟར་གནང་བཞིན་པ་དེར་བསྔགས་བརྗོད་ཡོད་ཅེས་སོགས་ཀྱི་བཀའ་སློབ་སྩལ་ཡོད་པ་རེད།
༧གོང་ས་༧སྐྱབས་མགོན་ཆེན་པོ་མཆོག་གི་མཛད་འཆར་གྲུབ་བསྟུན་ཁ་ས་ཕྱི་ཚེས་༦་ཉིན་ལྡི་ལིར་ཆིབས་ཞལ་བསྒྱུར་གནང་འདུག།
གསར་འགོད་པ་ངག་དབང་ཆོས་འཕེལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག