འཚེ་བའི་ལས་ལ་ཞུགས་རྒྱུ་མེད།

༄༅།    །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཆོས་ཉམས་ལེན་བྱེད་མཁན་ཞིག་གི་ངོས་ནས་གཞན་ལ་འཚེ་བ་བྱ་རྒྱུ་ལས་ལྡོག་སྟེ།    འགྲོ་བ་གཞན་ལ་བྱམས་བརྩེ་དང་བཟོད་བསྲན་བྱ་རྒྱུ་ནི་ནང་པ་སངས་རྒྱས་པའི་ཐུན་མོང་མ་ཡིན་པའི་སློབ་སྟོན་ཙམ་མ་ཟད། བཟང་སྤྱོད་ཀྱི་ལས་འགན་ཆེན་པོ་ཞིག་ཀྱང་ཆགས་ཡོད་ཅེས་ལམ་སྟོན་བསྩལ་འདུག
ཨེ་བི་སི་གསར་ཁང་གིས་ཕྱི་ཚེས་༢༢ ཉིན་གནས་ཚུལ་སྤེལ་གསལ་ལྟར་ན། ༸གོང་ས་༧སྐྱབས་མགོན་ཆེན་པོ་མཆོག་ལ་ཉེ་ཆར་འབར་མའི་ནང་འབྱུང་བཞིན་པའི་ཁ་ཆེ་དང་འབར་མའི་ནང་པའི་དབར་གྱི་རྩོད་རྙོག་དང་འབྲེལ་བའི་ཛ་དྲག་གནས་ཚུལ་སྐོར་བཀའ་འདྲི་ཞུས་པར་བཀའ་ལན་བསྩལ་དོན། འབར་མའི་ནང་པ་ཁག་ཅིག་གིས་ཁུལ་དེའི་ནང་ཡོད་པའི་རོ་ཧིང་ཇ། ཞེས་པའི་གྲངས་ཉུང་མི་རིགས་ཁྲོད་དྲག་སྤྱོད་སྤེལ་ནས་མི་གྲངས་བརྒྱ་ལྷག་འདས་གྲོངས་ཕྱིན་ཡོད་པ་དང་།གཞན་མང་པོ་ཅིག་ལ་རྨས་སྐྱོན་ཚབས་ཆེན་ཕོག་པའི་གནས་ཚུལ་ཐོས་སྐབས། བློ་ཕམ་ཆེན་པོ་བྱུང་ཞེས་བཀའ་གནང་བ་དང་འབྲེལ། ནང་པ་སངས་རྒྱས་པའི་རྗེས་འཇུག་པ་ཞིག་ཡིན་ཕྱིན་ཆད་གཞན་ལ་བྱམས་བརྩེ་དང་འཚེ་བ་མེད་པའི་ལྟ་གྲུབ་ཉམས་ལེན་བྱ་རྒྱུ་ཧ་ཅང་གལ་ཆེན་པོ་ཆགས་ཡོད། ལྷག་པར་དུས་རབས་ཉེར་གཅིག་པའི་ནང་པ་ཞིག་བྱེད་དགོས། འགྲོ་བ་མི་ཕན་ཚུན་དབར་ལ་དཀའ་ངལ་གང་འདྲ་འཕྲད་ཀྱང་དེ་དག་གྲོས་མོལ་ལམ་ལས་ལྡོག་སྟེ།    འཚེ་བའི་སྒོ་ནས་སེལ་ཐབས་བྱས་ན། དཀའ་ངལ་སྔར་ལྷག་ཤུགས་ཆེ་རུ་འགྲོ་རྒྱུ་ཡིན་པ་གདོན་མི་ཟ་བ་རེད། དེར་བརྟེན་དཀའ་ངལ་གང་ཞིག་ཡིན་རུང་གྲོས་མོལ་གྱི་ལམ་ནས་སེལ་ཐབས་བྱེད་དགོས། དེ་བཞིན་དཀའ་ངལ་དེ་དག་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྕམ་ཨང་སང་སུ་ཅི་ཡིས་བར་འདུམ་གནང་སྟེ།    གང་མགྱོགས་སེལ་གནང་བའི་རེ་བ་བྱེད་བཞིན་ཡོད་ཅེས་བཀའ་གནང་འདུག།